Ռուսաստանը և Սաուդյան Արաբիան վիզաները փոխադարձաբար կչեղարկեն մայիսի 11-ից

Ռուսաստանի և Սաուդյան Արաբիայի միջև քաղաքացիների համար վիզային պահանջի փոխադարձ վերացման մասին համաձայնագիրը ուժի մեջ կմտնի մայիսի 11-ին: Ռուսաստանցի զբոսաշրջիկները կկարողանան առանց վիզայի Սաուդյան Արաբիայի տարածքում գտնվել մինչև 90 օր: Այս մասին հայտնում է ՌԴ ԱԳ նախարարությունը։

Համաձայնագիրը ստորագրվել էր Ռիադում 2025 թվականի դեկտեմբերի 1-ին։

Ռուսաստանցիները կկարողանան առանց այցագրերի մուտք գործել և Սաուդյան Արաբիայի տարածքում գտնվել անընդմեջ կամ միագումար ոչ ավելի, քան 90 օր՝ օրացուցային տարվա ընթացքում։ Ռեժիմը չի տարածվում այն ուղևորությունների վրա, որոնք կապված են աշխատանքային գործունեության, կրթության կամ երկարաժամկետ բնակության հետ։

Դրա հետ մեկտեղ ռուսաստանցիների համար պահպանվում է վիզա ստանալու անհրաժեշտությունը ուխտագնացության, հաջի և ումրայի համար։

Նմանօրինակ պայմանները կգործեն նաև Ռուսաստան ժամանող Սաուդյան Արաբիայի քաղաքացիների համար։

Այս թեմայով Պարգև Սրբազանն ԱՄՆ ներգաղթի EB-1 կարգի վիզա է ստացել Այս տեմպերով վիզաների ազատականացումը շատ չի ուշանա. տեսնենք՝ կկարողանա՞նք պահպանել 2029–ի նպատակադրումը. Մարագոս Որ երկրների հետ Հայաստանը կչեղարկի վիզայի ռեժիմը ԱՄՆ-ը 50 երկրի քաղաքացիներից վիզա ստանալու համար մինչև 20 հազար դոլարի գրավ կպահանջի Մինչև 2027 թ. հուլիսի 1-ը որոշ օտարերկրացիներ կկարողանան ՀՀ այցելել առանց մուտքի վիզայի պահանջի