Օվերչուկը պարզապանել է, թե որն էր Պուտինի եւ Փաշինյանի այս վերջին հանդիպման իրական հիմքը

ՏԱՍՍ-ին տված հարցազրույցում Ռուսաստանի փոխվարչապետ Ալեքսեյ Օվերչուկի մի շարք մտքեր եկան հիմնավորելու, թե որն էր Պուտինի եւ Փաշինյանի այս վերջին հանդիպման իրական հիմքը։

Հայաստանի ապաշրջափակումը կարևոր է ամբողջ Հարավային Կովկասի զարգացման համար. առանց Մեղրիի հատվածի այնտեղ խաղաղություն չի լինի, նշել է Օվերչուկը։ Ապա ընդգծել. «Մոսկվայի համար պարզ է, որ Հայաստանը պատրաստվում է միանալ Ռուսաստանի նկատմամբ թշնամաբար տրամադրված դաշինքին։ Նման սցենարը լուրջ հետևանքներ կունենա»։

Իսկ ահա Օվերչուկի միտքը, որ` Ռուսաստանի բոլոր հարևանները, նույնիսկ ԵՄ-ում գտնվողները, հետաքրքրված են ռուսական երկաթուղիներով, բայց միայն Հայաստանը է կասկածի տակ դնում համագործակցությունը, հուշում է, որ ներկա պահին Նիկոլի հիմնական խնդիրը հայաստանյան երկաթուղային համակարգն ռուսական կառավարումից վերցնելով, այլ երկրի տալն է։ Ըստ այդմ. «Ռուսական և չինական բեռները նախընտրում են տարանցիկ անցնել Իրանով, քան ԱՄՆ-ի կողմից վերահսկվող հայկական տարածքով»,- հայտարարել է Օվերչուկը, ցույց տալով նիկոլյան այս քաղաքականության հետեւանքները։

Ավելին, թեեւ «Հայաստանը որոշել է զիջել իր տարանցիկ եկամուտների 74%-ը՝ համաձայնվելով «Թրամփի երթուղուն»», Սակայն այդ ուղղության «երկարաժամկետ հեռանկարները անորոշ են, քանի որ նախագիծը հիմնված է Կենտրոնական Ասիայից ապրանքների հոսքի վրա՝ ծանծաղող Կասպից ծովով»,- ընդգծել է Օվերչուկը։

Այն դեպքում, երբ եթե «Մեղրիի հատվածը կմնար լիովին հայկական սեփականություն, եթե Հայաստանը շարունակեր աշխատել Ռուսաստանի հետ եռակողմ խմբում»,- նշել է նա։

Իսկ ԱՄՆ-ին, ըստ Օվերչուկի, անհրաժեշտ է միջանցք Հայաստանի միջով՝ Կենտրոնական Ասիայից կարևորագույն հանքանյութեր արտահանելու և Իրանը վերահսկելու համար: Այսինքն, Նիկոլն այդ քայլով միանգամից Հայաստանը թշնամացնում է ինչպես Ռուսաստանի, այնպես էլ` Իրանի հետ:

Այս թեմայով Հայտնի է՝ ով կներկայացնի այս տարի Հայաստանը մանկական Եվրատեսիլում Թրամփը ցանկանում է կրկին հանդիպել Պուտինի հետ Իրանի միջուկային զենք ստեղծելու վերջին զգուշացումը հղեց Թրամփը վերջին րոպեին չեղարկեց հուսիթների վրա հարձակումը. The New York Times Վիրավոր իմ Հայաստան, դու դեռ ուղղելու ես քո ողնաշարը