Մայիսի 8-ից հետո խաղի այլ կանոններ են սկսվելու. ԴանիելԻոաննիսյան

Մայիսի 8-ից հետո խաղի այլ կանոններ են սկսվելու. ԴանիելԻոաննիսյան

Նախընտրական քարոզարշավը պետք է տեղի ունենա օրենքով սահմանված ժամկետներում, սակայն, ինչպես տեսնում ենք, արդեն որոշ քաղաքական ուժեր շատ ակտիվ սկսել են իրենց քարոզարշավը, թեեւ այն պաշտոնապես չի մեկնարկել: Այս եւ այլ հարցերի շուրջ«Իրավունք-ը զրուցել է«Իրազեկ քաղաքացիների միավորում» հասարակական կազմակերպության հիմնադիր եւ ծրագրերի համակարգող, ընտրություններին դիտորդական առաքելություն իրականացնող «Անկախ դիտորդ» դաշինքի ներկայացուցիչ ԴԱՆԻԵԼ ԻՈԱՆՆԻՍՅԱՆԻհետ:

— Ինչպես տեսնում ենք, նախընտրական քարոզարշավը դե ֆակտո մեկնարկել է: Եվ ամեն քաղաքական ուժ իր ակտիվ քարոզչությունն իրականացնում է յուրովի:Սա օրենքի խախտում չէ՞, երբ օրենսդրության մեջ հստակ ամրագրված է, որ քարոզարշավը պետք է սկսվի ընտրություններից 30 օր առաջ:

—Դա ամբողջությամբ նորմալ եւ առողջ երեւույթ է: Ընտրական օրենսգիրքը սահմանում է քարոզարշավի կանոնները, որոնք սկսվելու են մայիսի 8-ից, սակայն ոչ մեկ չի արգելում մինչ այդ իրականացնել քարոզչություն:

—Պարոն Իոաննիսյան, այդ դեպքում տարբերությունըորն է ապրիլի 1-ի եւ մայիսի 8-ի միջեւ:

—Մայիսի 8-ից շատ ավելի հստակ խաղի կանոններ են լինելու:Սահմանադրության 6-րդհոդվածն ամրագրում է, որ մասնավոր սուբյեկտներն իրավունք ունեն անելու այն ամենն, ինչ արգելված չէ օրենքով:Կուսակցությունները համարվում են մասնավոր սուբյեկտներ եւ հետեւապես իրավունք ունեն անել այն ամենն, ինչ չի արգելվում:Նախընտրական քարոզչությունն արգելված է քվեարկության նախորդ օրը եւ քվեարկության օրը՝ մինչեւ երեկոյան ժամը՝ 20:00-ն, իսկ մնացած ժամանակ արգելված չէ:

—Այսինքն, այդ ամենից ենթադրվում է, որ բոլորը կարող են բակերում քարո՞զ անցկացնել, փողոցներում էլ իրենց պաստառները տեղադրե՞լ՝ ով որքան կցանկանա՞:

—Իհարկե, ասեմ ավելին, ամբողջությամբ առողջ երեւույթ է, որ կուսակցություններն իրենց քարոզարշավը սկսում են ամիսներ, նույնիսկ տարիներ առաջ:Պարզապես մայիսի 8-ից հետո խաղի այլ կանոններ են սկսվելու՝ ամեն ինչ շատ ավելի կանոնակարգված է լինելու:Կուսակցություններն ունեն մի շարք լրացուցիչ իրավունքներ, որոնք հիմա չունեն: Օրինակ, ունենալու են անվճար եթերաժամանակ, հանրային դահլիճների հասանելիության հնարավորություն եւ այլն:Հանրային հեռուստատեսությունը պետք է դեբատներ կազմակերպի:Կուսակցություններն ունենալու են հատուկ վայրեր՝ նախատեսված պաստառների համար, որոնք լինելու են անվճար, իսկ մեծ պաստառների դեպքում, կանոնակարգում է լինելու, եւ այդ կանոնակարգումը ենթադրելու է, որ այդ մեծ պաստառների տեղերը հավասարապես բաշխվելու են կուսակցությունների միջեւ:Մինչ մայիսի 8-ը նման կարգավորումներ չկան, եւ կուսակցությունները կարող են մեծ պաստառներ փակցնել որտեղկցանկանան:

—Այսօր քաղաքական դաշտում առկա է մի իրավիճակ, որտեղ թե՛ իշխանությունը, թե՛օլիգարխիկ ընդդիմությունը ներգրավված են ֆինանսական մրցավազքի մեջ, թե ով ինչքան կծախսի քարոզարշավի վրա:Ձեզ մոտ հարց չի ծագո՞ւմ, թե այդ ֆինանսական հոսքերը որտեղից են գալիս:

—Իհարկե, ծագում է, եւ դա «Անկախ դիտորդ»-ի դիտորդության սահմաններում ուշադրության կենտրոնում գտնվող հանգամանք է:

—Եվ ի՞նչ փուլում է այն գտնվում,Դուք հետազոտություն անցկացնո՞ւմ եք:

—Իհարկե: Երբ հիշարժան արդյունքներ լինեն, դրանք կհրապարակենք:

ՆԱՆԱ ՍԱՐԳՍՅԱՆ