Տասնյակից ավել կուսակցություններ կհամալրեն ընտրություններին մասնակցող ուժերի շարքերը

ՀՀ պաշտոնական հայտարարությունների հրապարակման միասնական առցանց «Ազդարար» համակարգից տեղեկանում ենք, որ առաջիկայում մի շարք կուսակցություններ պատրաստվում են համագումարի: Ընդ որում՝ մեծամասամբ իրենց օրակարգում դրել են ընտրական ցուցակի առաջին 30 թեկնածուի հաստատման հարցը:

Այսպիսով՝ վերոնշյալ օրակարգով ապրիլի 4-ին նախ կամփոփվի «Քաղաքացիական պայմանագիր» կուսակցության (նախագահ՝ Նիկոլ Փաշինյան) համաժողովը:

Ապրիլի 6-ին համագումարներ կանցկացնեն արդեն իսկ ՀՀ երկրորդ նախագահ Ռոբերտ Քոչարյանի հետ դաշինքավորված ՀՅԴ-ն (ԳՄ Հայաստանի ներկայացուցիչ Իշխան Սաղաթելյան) եւ «Առաջ» աջակենտրոն կուսակցությունը (Կենտրոնական գործադիր կոմիտեի նախագահ` Սեւակ Խաչատրյան):

Ապրիլի 8-ին համագումարներ կանցկացնեն «Նոր դարաշրջան» (նախագահ՝ Հարություն Հարությունյան) եւ «Միավորված հայեր» (նախագահ՝ Նաիրի Սարգսյան) կուսակցությունները, որոնք արդեն իսկ դաշինք են կազմել գործարար Սամվել Կարապետյանի քաղաքական ուժի հետ: Նույն օրը տեղի կունենա նաեւ Սամվել Կարապետյանի առաջնորդած «Ուժեղ Հայաստան» կուսակցության համագումարը:

Ապրիլի 9-ին համագումար կանցկացնի «Բարգավաճ Հայաստան» կուսակցությունը (նախագահ՝ Գագիկ Ծառուկյան): Ապրիլի 11-ին տեղի կունենա ՍԻՄ կուսակցության համագումարը (նախագահ՝ Հայկ Բաբուխանյան), նույն օրը կկայանա նաեւ «Ալյանս» առաջադիմական ցենտրիստական կուսակցության (նախագահ՝ Տիգրան Ուրիխանյան) համագումարը:

Իսկ ապրիլի 12-ին կկայանա Ռեֆորմիստների կուսակցության (նախագահ՝ Վահան Բաբայան) եւ «Վերելք» կուսակցության (նախագահ՝ Ալեքսան Մինասյան) համագումարները: Ապրիլի 15-ին համագումար է անցկացնելու նաեւ նախկին ՔՊ-ական, այժմ անկախ պատգամավորներ Հովիկ Աղազարյանի եւ Հակոբ Ասլանյանի ստեղծած «Միասնական ազգային սահմանադրական կուսակցություն»-ը: 

«Բոլորին դեմ եմ» ժողովրդավարական կուսակցությունն իր համագումարը կանցկացնի ապրիլի 18-ին, որը թեպետ նոր է գրանցվում, եւս ունի նախընտրական ցուցակը հրապարակելու օրակարգ: Նույն օրը համագումար կիրակացնի «Լուսավոր Հայաստան» կուսակցությունը (նախագահ՝ Էդմոն Մարուքյան): 

Հատկանշական է, որ կուսակցությունների սպասվելիք համագումարների համանման օրակարգերից տարբերվում է Հայաստանի Հանրապետական կուսակցությունը (նախագահ՝ ՀՀ երրորդ նախագահ՝ Սերժ Սարգսյան): Ապրիլի 4-ին նախատեսված համագումարի օրակարգում ընդգրկված են ՀՀԿ նախագահի հաշվետվությունը, ՀՀԿ վերստուգիչ հանձնաժողովի հաշվետվությունը, ՀՀԿ կանոնադրության փոփոխության հարցերը, ՀՀԿ նախագահի ընտրությունը, ՀՀԿ մշտապես գործող ղեկավար մարմնի ընտրությունը, ՀՀԿ վերստուգիչ հանձնաժողովի ընտրությունը, ՀՀԿ 18-րդ համագումարի բանաձեւի ընդունումը եւ այլ հարցեր։

Նկատենք, որ առաջիկա խորհրդարանական ընտրությունների մասին որեւէ առանձին կետ հատուկ նշված չէ: Նույն օրը տեղի կունենա նաեւ «Ժառանգություն» կուսակցության (հիմնադիր՝ Րաֆֆի Հովհաննիսյան) համագումարը, որը նույնպես հստակ չի նշել նախընտրական ցուցակի հրապարակման մասին, թեպետ առաջիկա խորհրդարանական ընտրությունների վերաբերյալ որոշումների ընդունման հարց ներառված է օրակարգում:

ՀՐԱՆՏ ՍԱՐԱՖՅԱՆ

Այս թեմայով «Գրատախտակին գնալու» մասին խոսելուց առաջ արժե հիշել ամենակարեւորը․ Հենրիխ Դանիելյան Ո՞ւմ խորհրդով է Գևորգ Մուրադյանը հայտնվել Սամվել Կարապետյանի նախընտրական շտաբում Աշխատանքից ազատվել է ՀՀ վարչապետի աշխատակազմի Ռազմավարական հաղորդակցության վարչության պետը Մեղավորները գահին են, արդարները՝ բանտում․ այսօր ՀԱՊ կուսակցության նախագահի ծննդյան 45-ամյակն է Շնորհակալ եմ յուրաքանչյուրիդ՝ չլռելու, անհանգստանալու, աջակցելու և մեր կողքին լինելու համար․ Չախալյան