Ոսկե, արծաթե և բրոնզե մեդալներ` Կիոկուշին կարատեի «Եվրոպայի գավաթ» մրցաշարում

Հայաստանի Կիոկուշին կարատեի ֆեդերացիայի մարզիկները հաջող մասնակցություն են ունեցել Լատվիայի մայրաքաղաք Ռիգայում կայացած «Եվրոպայի գավաթ» միջազգային մրցաշարում։
Մրցաշարին մասնակցած 13 հայ մարզիկներից 9-ը դարձել են մեդալակիր՝ նվաճելով 2 ոսկե, 4 արծաթե և 3 բրոնզե մեդալ։
Մրցաշարի հաղթող են հռչակվել Նարեկ Մակարյանը և Միքայել Չոբանյանը։ Արծաթե մեդալակիր են դարձել Արեն Աճեմյանը, Յուրանդ Շահվերդյանը, Վահե Ծատուրյանը և Կիմ Աղայանը, իսկ Շարլին Բերբերյանը, Արամ Բաղդասարյանն ու Վիգեն Համբարձումյանն արժանացել են բրոնզե մեդալի։
Կիոկուշին կարատեի Հայաստանի ֆեդերացիան մրցավայր է մեկնել 25 հոգանոց պատվիրակությամբ։
Ֆեդերացիայի նախագահ շիհան Անդրանիկ Հակոբյանը ընդգրկված էր մրցաշարի կենտրոնական մրցավարների թվում, իսկ հայ մարզիկների մարտավկաներն են եղել սենպայ Էրիկ Հակոբյանը, սենսեյներ Ստեփան Գրիգորյանը և Վարդան Կիրակոսյանը։
Հայաստանի Կիոկուշին կարատեի ֆեդերացիայի մարզիկները պատրաստվում են ապրիլին Երևանում կայանալիք Աշխարհի գավաթի խաղարկությանը։

Այս թեմայով Մեծ ակնկալիքներ ունենք աշխարհի գավաթից․ Հայաստանի Կիոկուշին կարատեի ֆեդերացիայի նախագահ Կարատեի Եվրոպայի առաջնությունում հայ մարզիկները ոսկե, արծաթե և բրոնզե մեդալներ են նվաճել «ՄԵՐ ԵՐԿՐՈՒՄ ԿԱՐԱՏԵՆ ՇԱՏ ՔԻՉ Է ԶԻՋՈՒՄ ՃԱՊՈՆԱՑԻՆԵՐԻՆ». ԱՎԱՆԴԱԿԱՆ ԿԱՐԱՏԵԻ ԱՇԽԱՐՀԻ ԿՐԿՆԱԿԻ ԳԱՎԱԹԱԿԻՐ, ԵՎՐՈՊԱՅԻ ՈՒ ԱՇԽԱՐՀԻ ՉԵՄՊԻՈՆ ՆԱՐԵԿ ԻՍԿԱՆԴԱՐՅԱՆ ԵՐԵՎԱՆՈՒՄ ԿԿԱՅԱՆԱ ԱՎԱՆԴԱԿԱՆ ԿԱՐԱՏԵԻ «Ararat Cup» 4-ՐԴ ՄԻՋԱԶԳԱՅԻՆ ՄՐՑԱՇԱՐԸ Կամո Ունանյանը կրկին հաղթանակներով է վերադարձել հայրենիք