«Փաստ». Իշխանությունները նորից ակտիվացրել են զազրախոսության, անեծքաբանության, չարության ու ատելության քարոզը

«Փաստ» թերթը գրում է. «Որքան մոտենում են ընտրությունները, այնքան իշխանություններն ավելի մեծ թափով են առաջնագիծ հանում իր ֆեյքային ու «բրգային» համակարգը: Ակնհայտ է, որ «մեկ կենտրոնից» տրված հրահանգով հարյուրավոր իրական ու ֆեյք «դեմքեր» մեծ թափով հեղեղել են սոցցանցերը՝ թիրախավորելով ընդդիմադիրներին: Ու հիմնական խնդիրը նույնիսկ դրանց քանակը չէ, այլ բովանդակությունը: Չէ, մեկնաբանությունների բովանդակությունը չէ, դրա մասին խոսք լինել չի կարող, այդտեղ ո՛չ բովանդակություն կա, ո՛չ մակարդակ, ո՛չ գրագիտություն:

Խոսքը կազմակերպված արշավի բովանդակության մասին է: Խոսքը զազրախոսության, անեծքաբանության, չարության ու ատելության քարոզի մասին է, որն այս իշխանությունը միշտ է կիրառել, իսկ այս փուլում ավելի ինտենսիվ է դարձրել: Ավելին, ինչը բավական վտանգավոր միտումներ է ի ցույց դնում, արդեն օգտվում են «հին զինանոցից», սկսել են ընդդիմադիր գործիչների «տապանաքարեր» կամ սև շրջանակի մեջ դրված նկարներ տարածել: Հիշում եք, չէ՞, Փաշինյանն իշխանության եկավ դագաղի կափարիչներ ու ծաղկեպսակներ ճոճելով:

Այս թեմայով Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները… Կիևի իշխանությունները ցանկանում են Զապորոժեում ստեղծել անկենդան ճառագայթային աղտոտման գոտի. Զախարովա Վստահել եմ «Ուժեղ Հայաստան» դաշինքին, հիասթափվել եմ նրանց հետընտրական գործունեությունից. Արցախցի գործիչ Ամեն օր մի քյալակ ա խաղում. ՔՊ-ականները սառը ցնցուղի տակ Պետական համակարգը, համայնքային բյուջեն չենք ծառայեցնելու` ինչ-որ մեկի նեղ շահի համար. Ջերմուկ խոշորացված համայնքի ղեկավարի թեկնածու