Իրանը պատրաստ է դուրս գալ Միջուկային զենքի չտարածման մասին պայմանագրից

Իրանի խորհրդարանի անդամը հայտարարել է, որ խորհրդարանում ներկայացվել է օրինագիծ՝ երկիրը դուրս բերելու Միջուկային զենքի չտարածման մասին պայմանագրից և չեղյալ հայտարարելու Համատեղ համապարփակ գործողությունների ծրագիրը:

Դա, ըստ էության, կդառնա Իրանի կողմից միջուկային զենք ստեղծելու հայտ: Կամ, ինչպես տարբեր աղբյուրներ են հավաստիացնում, Իրանը պարզապես ի ցույց կդնի արդեն առկա միջուկային զենքը:

Այս կապակցությամբ ուշագրավ կարծիք է հայտնել իրանցի հեղինակավոր ռազմաքաղաքական փորձագետ Հայալ Մուաղղինը.

«Աշխարհը տեսնում է, որ Իրանը դարձել է Հորմուզի նեղուցի տերը և վռնդել է Միացյալ Նահանգներին տարածաշրջանից: Եվ եթե պատերազմն այս պահին ավարտվի, Թրամփը կենթարկվի իմպիչմենտի վեց ամսվա ընթացքում (եթե նա ավելի շուտ չարժանանա Քենեդիի ճակատագրին):

Սակայն Իրանը չպետք է սահմանափակվի Հորմուզի նեղուցով: Այլ պետք է օգտվի այս հնարավորությունից՝ իր ձեռքբերումները մեծացնելու և իր տարածաշրջանային հակառակորդի ուժը ոչնչացնելու համար:

Մի գործողություն, որը անմիջապես կկոտրի Թրամփին, կլինի Իրանի միջուկային փորձարկումը: Սա կվերջացնի 30 տարվա պատժամիջոցներն ու ճնշումները, «ոչ պատերազմ, ոչ խաղաղություն» վիճակը: Պատերազմից հաջորդ օրվանից Իրանի տնտեսությունը կզարգանա, և երկիրը պաշտոնապես կմիանա միջուկային տերությունների ակումբին:

Եվ ո՞րն է դրա համար ավելի լավ ժամանակ, քան հիմա: Աշխարհի ժողովրդի ճնշող մեծամասնությունը Իրանի կողմից է, և չնայած իրավիճակը բարենպաստ է, դա պետք է արվի:

Հակառակ դեպքում թշնամին քայլ առ քայլ կշարժվի, և Բուշերի ատոմակայանին հարվածելով՝ ժողովրդի մեջ կստեղծի պարտության զգացում, քանի որ տասնամյակներ շարունակ շինարարությունից և արտադրությունից, լիբերալ դավաճանների ճնշմանը և դիվերսիաներին դիմակայելուց հետո օբյեկտը կկորսվի։

Ի պատասխան, իրանական ցանկացած հարված աննշան կլինի, եթե տարածքներ չգրաենք։

Սակայն Իրանի զինվորականները պետք է մեկընդմիշտ որոշեն, թե որքան ժամանակ կշարունակվեն զինվորականների և կառավարության ղեկավարների սպանությունները, մինչև ինչ-որ մեկը վերջապես թույլտվություն չտա կամ կամք չցուցաբերի միջուկային զենք մշակելու համար»։

Այս թեմայով Թուրքական զորքը դուրս է բերվում Իրաքի հյուսիսից Կառավարությունը հրապարակել է «Հայաստանյայց Առաքելական Սուրբ Եկեղեցում առաջացած ճգնաժամի և լուծման ուղիների մասին» զեկույցը ՀՐԱՏԱՊ. Վարդանի շուրջ 19-ամսյա կալանքը նշանակում է արդեն հարյուր հազարավոր դոլարների հանրային միջոցների ծախս Բեռլինի օդանավակայանը հայտարարել է անօդաչու թռչող սարքի մասին տագնապ. Bild Ինչու է ՔՊ-ն դանդաղում իր որոշումների մեջ.ո՞վ կասի....