«ՆՊԱՏԱԿՍ Է ԱՇԽԱՐՀԻ ՉԵՄՊԻՈՆԻ ՏԻՏՂՈՍԸ ՆՎԱՃԵԼԸ». ԱԶԱՏ ՈՃԻ ԸՄԲՇԱՄԱՐՏԻ Մ23 ՏԱՐԵԿԱՆՆԵՐԻ ԵՎՐՈՊԱՅԻ ԲՐՈՆԶԵ ՄԵԴԱԼԱԿԻՐ ԴԱՎԻԹ ՄԱՐԳԱՐՅԱՆ

Վերջերս Սերբիայի Զրենյանին քաղաքում կայացած ազատ ոճի ըմբշամարտի Մ23 տարեկանների Եվրոպայի առաջնությանը բրոնզե մեդալ է նվաճել մեր երկրի ներկայացուցիչ ԴԱՎԻԹ ՄԱՐԳԱՐՅԱՆԸ։

Iravunk. com -ի մարզական լրագրողի հետ զրույցում նա այսպես մեկնաբանեց իր նվաճումը. - Հանդես եկա 70 կգ քաշային կարգում։ Առաջին գոտեմարտում, ափսոս, զիջեցի ռուս մրցակցիս, հետո սփոփիչ գոտեմարտում 11։4 հաշվով հաղթեցի իտալացի մրցակցիս։ Բրոնզե մեդալի համար գոտեմարտում էլ 5։2 հաշվով հաղթեցի գերմանացի Մարցել Վագինին։ Ամենաբարդը այս վերջին գոտեմարտը ստացվեց։

- Դավիթ, իսկ ինչը քեզ խանգարեց ավելի հաջող հանդես գալու համար։

- Մի փոքր լարվածություն ունեի, քանի որ առաջին անգամ էի մասնակցում այս տարիքային խմբի մեծ մրցաշարի։ Այս բրոնզե մեդալը ինձ ավելի կոգևորի հետագա մրցաշարերում էլ ավելի հաջող հանդես գալու, մեր երկիրը պատվով ներկայացնելու համար։

- Ինչ նպատակներ ունես։

- Նպատակս է Աշխարհի չեմպիոնի տիտղոսը նվաճելը։

- Դավիթ, իսկ ինչ խնդիրների ես բախվել սպորտում։

- Ունեցել եմ ծնկի վնասվածք։ Երկու անգամ վիրահատվել եմ։ Փառք Աստծո ապաքինվել եմ։ Նշեմ, որ պատանիների կազմում հաղթել եմ նաև թուրք մրցակցի, 2018 թվականին, Հունգարիայում։ Կաշխատեմ Աշխարհի առաջնությանը ավելի հաջող հանդես գալ։

- Շնորհակալություն, Դավիթ, մեզ ժամանակ տրամադրելու համար։

- Ես էլ եմ շնորհակալ ուշադրության համար։ Անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով