«ՍՊՈՐՏՈՒՄ ԵՍ ԼԵԳԵՆԴԱՐ ՄԱՐԶԻԿ ԵՄ ՀԱՄԱՐՈՒՄ ԱՐԹՈՒՐ ԱԼԵՔՍԱՆՅԱՆԻՆ». ՀՈՒՆԱՀՌՈՄԵԱԿԱՆ ՈՃԻ ԸՄԲՇԱՄԱՐՏԻ Մ23 ՏԱՐԵԿԱՆՆԵՐԻ ԵԱ-Ի ՉԵՄՊԻՈՆ ԱՐԱՄԱՅԻՍ ՀԱՐՈՒԹՅՈՒՆՅԱՆ

Iravunk. com -ի մարզական լրագրողը Գյումրիում հանդիպել ու զրուցել է Սերբիայի Զրենյանին քաղաքում կայացած Հունահռոմեական ոճի ըմբշամարտի Մ23 տարեկանների Եվրոպայի առաջնությանը ոսկե մեդալ նվաճած մարզիկ ԱՐԱՄԱՅԻՍ ՀԱՐՈՒԹՅՈՒՆՅԱՆԻ հետ։

- Ողջույն, Արամայիս։ Շնորհավորում ենք փայլուն հաղթանակի առթիվ։ Սա քո նորամուտն էր Մ23 տարիքայինների խմբի ԵԱ - ում ու միանգամից ոսկե մեդալ։ Հետաքրքիր է, ինչպես ստացվեց։

- Շատ շնորհակալ եմ։ Հանդես եկա 130 կգ /գերծանր /քաշային կարգում։ Որակավորման փուլում 5։0 հաշվով հաղթեցի ավստրիացի մրցակցիս Լեոնարդ Յունգերին։ Քառորդ եզրափակչում 4։1 հաշվով պարտության մատնեցի ռուս ըմբիշին Ալեքսանդր Մելեխովին, ով Մ23 տարեկանների Աշխարհի բրոնզե մեդալակիր է։ Կիսաեզրափակչում 6։0 հաշվով հաղթեցի Ուկրաինայի ներկայացուցչին։ Եզրափակչում էլ ոսկե մեդալի ճանապարհին 1։1 հաշվով հաղթեցի հունգարացի Լալլու Դարաբուշին, նա Աշխարհի ու Եվրոպայի չեմպիոն է։ Ամենաբարդը այս գոտեմարտը ստացվեց, քանի որ բավականին փորձառու էր մրցակիցս, իսկ իմ նորամուտն էր այս տարիքային խմբում։ Շատ աննկարագրելի զգացողություններ առաջացան հաղթանակից հետո։ Գոհ եմ իմ արդյունքից, սակայն սրանով չեմ բավարարվելու։ Հաղթանակս նվիրում եմ իմ հայ ազգին, բոլոր զինվորներին։ Նշեմ, որ պապիկս ևս զբաղվել է ըմբշամարտով, ես պատվով եմ կրում նրա անունը ու շարունակում նրա աշխատանքը ։

- Արամայիս, սպորտում լեգենդար մարզիկ ում ես համարում։

- Սպորտում ես լեգենդար մարզիկ եմ համարում մեր գյումրեցի ըմբիշ Արթուր Ալեքսանյանին, նրա հետ նույն մարզադահլիճում պարապելը իսկապես մեծ պատիվ է բոլորիս համար, նա մեզ շատ օգտակար խորհուրդներ է տալիս, հնարքներ սովորեցնում։

- Շնորհակալություն, Արամայիս, հաճելի զրույցի համար։ Քեզ մաղթում ենք նորանոր հաղթանակներ։

- Զգացված եմ ուշադրության համար, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի