Ինչի՞ թուրքից չեն վիրավորվում «արա»-ից են վիրավորվում . Արսեն Ղուկասյան

Ազգային Ժողովի դիմաց հավաքված անհետ կորածների ծնողներն ու հարազատները երեք օր է, ինչ անցկացնում են խաղաղ բողոքի ակցիա: Սակայն, արդեն այսօր միջադեպով՝ ԱԺ նախագահ Ալեն Սիմոնյանի մասնակցությամբ: Դեպքի մասին «Իրավունք»-ը զրուցել է անհետ կորած զինվորի հորեղբայր ԱՐՍԵՆ ՂՈՒԿԱՍՅԱՆԻ հետ:

— Ինչի՞ց ծագեց վիճաբանությունը, որը վերածվեց փողոցային հայհոյանքների:

— Երեք օր է ծնողներով հավաքվում ենք Ազգային Ժողովի մոտ, որպեսզի պատգամավորներին մեր հստակ հարցը ներկայացնենք՝ արդյոք իրենք կողմ են, թե՝ դեմ, որ 44 օրյա պատերազմի հանգամանքներն ուսումնասիրող քննիչ հանձնաժողովի նյութերը բարձրաձայնվի եւ հանրայնացվի: Այդ ընթացքում մեզ շատ տարբեր մարդիկ միացան, այդ թվում նաեւ տարբեր ընդդիմադիր կուսակցության անդամներ, փաստաբաններ եւ այլն: Տարբեր պատգամավորների հետ խոսել ենք, ներկայացրել մեր պահանջը: Ամեն բան անցել է ցիվիլ, նորմալ, առանց միջադեպերի:

Հետո դուրս է գալիս Ալեն Սիմոնյանն ու իրենց բնորոշ պրոֆեսիոնալ ձեւերով սարքում է ղալմաղալ ու այնտեղ արդեն հնչեցնում է հայհոյանքներ: Այն աստիճան, որ մարդկանց հունից հանում է: Ինչի արդյուքում տղաներից մի քանիսին տանում են բաժին՝ Միքայել Մարգարյանին եւ «Համահայկական ճակատ» կուսակցության նախագահ Արսեն Վարդանյանին:

— Ասում են, որ Միքայել Մարգարյանն Ալեն Սիմոնյանին սադրել է՝ ասելով «թռար, արա», ինչից հետո վերջինս բորբոքվել է:

— Միկան իրեն կիրթ է մոտեցել: Կա տեսանյութ, որտեղ Միկան ցանկանում է հարց տալ, սակայն Ալենը ասում է, որ չի ցանկանում խոսել: Այդ ինչպե՞ս է ստացվում, որ բոլոը կկանգնեն կպատասխանեն, սակայն Ալեն Սիմոնյանը չի կանգնի՞: Ես ինքս հարց եմ տալիս, ասում է՝ ես քո հետ խոսելու բան չունեմ, քո հետ քննիչները կխոսեն: Սա ի՞նչ խոսելաձեւ է, ինչի՞ համար է իրեն նման կերպ պահում:
Իրականում, ես իմ աղբյուրներից ունեի հստակ ինֆորմացիա, որ սրանք պատրաստվում են մի բան անել մեր հանդեպ, քանի որ այս հարցը չեն կարողանում կուլ տալ եւ պառտակել, որովհետեւ բացահայտ հասկանում են, թե քանի հոգի պետք է պատասխան տա եղածի առթիվ: Հետեւաբար, իրենց բոլոր ռեսուրսներն օգտագործեցին, մինչեւ անգամ ԱԺ նախագահի մակարդակով, որ այսպիսի ավարտ տան: Փողոցի մակարդակի զրույց սարքեցին, որ արդեն հնչի «արա» բառը, քաշքշոց լինի եւ այլն:

Ինչ վերաբերում է Միկայի «թռնո՞ւմ ես արա» արտահայտությանը, ապա ասեմ, որ նա ընդամենը հարց էր տալիս, վատ բան չէր ասում: Նա էլ պատասխանում է՝ քեզ չունեմ ասելու: Դա ի՞նչ է նշանակում, ինչի՞ չունես պատասխանելու: Եթե մարդը չի ցանկանում պատասխանել հստակ հարցի, չի ստացվո՞ւմ, որ թռնում է: Կամ «արա» բառից նեղանում են: Դա մի բառ է, որ բոլորս էլ իրար հետ խոսելուց կարող է օգտագործենք: «Արան» այսօր դարձել է վիրավորակա՞ն: Ինչի՞ թուրքից չեն վիրավորվում, «արա»-ից են վիրավորվում:

Գիտե՞ք, նրանց ամենամեծ գործողություններից մեկն էլ ծնողներին պառակտելն էր, որ հեշտ կոտրեն: Կար ծնողների մի գեղեցիկ բանակ, որը այսպես քանդեցին, բաժանեցին մասերի: Իսկ այս ակցիային, սրտացավ մարդիկ եկան միացան ու սրանք նմանատիպ մեսիջ ուղարկեցին, որ խելոք մնացեք, թե չէ բոլորիդ էլ հերթով այ այսպես կբռնենք:
Ինչի ինձ չէին բռնե՞լ: Մեկ ամիս բանտում էի, երկու ամիս տնային կալանքի տարան: Հիմա էլ հաթաթա է տալիս Սիմոնյանը, թե բա՝ քննիչների հետ կխոսես:

ՆԱՆԱ ՍԱՐԳՍՅԱՆ

Այս թեմայով «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Ռեալ Սոսյեդադ» նոր հայտարարությունը Զախարյանի վերաբերյալ Մեզի կարմիր է տված, տրամադրությո՞ւնս՝ փառք Տիրոջը․ Վարդան Ղուկասյանին ոստիկաններն ուղեկցեցին դատարան Արսեն Թորոսյանը որպես պատվավոր հյուր, մասնակցել է Ուկրաինայի անկախության 35-ամյակին նվիրված միջոցառմանը Զախարյանին ասացի, որ ամեն ինչին սահման կա. «Ռեալ Սոսիեդադի» մարզական տնօրեն