Կառավարությունը ԵԿՄ-ին ավելի քան 270 մլն դրամ կփոխանցի

Կառավարությունը հավանություն է տվել ԱԺ «Իմ քայլը» խմբակցության նախկին պատգամավոր Սասուն Միքայելյանի ղեկավարած «Երկրապահ կամավորականների միությանը» 271,9 մլն դրամ հատկացնելու նախագծին։ Պաշտպանության նախարարության նախագծում նշվում է, որ ԵԿՄ-ն ՀՀ պաշտպանության նախարարին դիմել է ֆինանսական աջակցություն տրամադրելու նպատակով՝ իր առաքելությունը լիարժեք և պատշաճ իրականացնելու համար: ՊՆ-ն հավելել է, որ գումարը կազմակերպության 2026 թվականի գործունեությունն ամբողջ ծավալով ապահովելու համար է։ Ըստ հիմնավորման՝ ԵԿՄ-ն համագործակցում է պաշտպանության նախարարության հետ, մասնակցում է պաշտպանական խնդիրների կատարմանը և ներգրավված է ապագա զինվորների պատրաստման գործընթացում։

Նշվում է նաև, որ 2020 թվականի պատերազմի ընթացքում կազմակերպությունն ունեցել է 74 զոհ և 114 վիրավոր, իսկ հետպատերազմյան շրջանում ավելի քան 4000 կամավորական ծառայել է մարտական դիրքերում։ Նախագծով առաջարկվում է գումարը հատկացնել կառավարության պահուստային ֆոնդից և տրամադրել եռամսյակային դրամաշնորհների ձևով։ Նշվում է, որ 2021-2025 թվականներին ԵԿՄ-ին տարեկան հատկացվել է 234,6 մլն դրամ, իսկ նոր նախագծի ընդունման դեպքում 2026 թվականի բյուջեի ծախսերը կավելանան 271,9 մլն դրամով։ Միքայելյանը, որը 2025-ին չէր ընտրվել ՔՊ վարչության կազմում, 2026-ի փետրվարին հայտարարել էր, ընդգրկվել է «Քաղաքացիական պայմանագիր» կուսակցության 2026 թվականի հունիսի 7-ին կայանալիք հերթական ԱԺ ընտրության համամասնական ցուցակում։

Միքայելյանը «Քաղաքացիական պայմանագիր» կուսակցության հիմնադիր անդամ է 2013-ից։ 2017-ին պատգամավոր էր ընտրվել «Ելք» կուսակցությունների դաշինքի ցուցակով,  2018-ին՝ «Իմ քայլը» դաշինքի Կոտայքի մարզի վարկանիշային ցուցակով։

Այս թեմայով Նարեկ Կարապետյանը տակավին երիտասարդ է, ինքն էլ չի հիշո՞ւմ․ ԶԱՐՄԱՆՔ «Հրապարակ»․ Սասունի եւ ԵԿՄ-ի ճակատագիրը մնում է անորոշ Ձերբակալվել է ԵԿՄ-ական «Մասիվցի Գիժ Ավոյի» թոռը եւ նրա ընկերը Ինչ են պատրաստում Ռուսաստանն ու Իրանը, հետո ճաշի հոտը կառնենք. Շահե Աճեմյան Տրանսպորտի գնին զուգահեռ՝ բարձրանում է նաեւ Գարիկի ինքնագնահատականը. ԶԱՐՄԱՆՔ