Ոչ մի ակնկալիք չունեմ՝ ո՛չ Նիկոլի իշխանությունից, ո՛չ ընդդիմությունից. Ղուկասյան

Զոհված ու անհետ կորած զինվորների հարազատները 44-օրյա պատերազմի հանգամանքներն ուսումնասիրող ԱԺ Քննիչ հանձնաժողովի զեկույցի հանրայնացման պահանջով երեկ բողոքի ցույց իրականացրին Ազգային ժողովի շենքի դիմաց: Բողոքի ակցիայի նախաձեռնողներից 44-օրյա պատերազմում անհետ կորած զինծառայող Սարգիս Ղուկասյանի հորեղբայրը՝ ԱՐՍԵՆ ՂՈՒԿԱՍՅԱՆԸ ուշագրավ մանրամասներ ներկայացրեց հանձնաժողովի իրականացրած աշխատանքների վերաբերյալ:

— ԱԺ Քննիչ հանձնաժողովի անդամ պետք է լինեի, անունս որոշված էր, որ պետք է լիներ, առաջին նիստը եղավ, խաբար էլ չեղա, արանքում շատ գեղեցիկ ձեւով ֆուկ արեցին: Գիտեին՝ չե՛մ լռելու, պահանջելու եմ, խոսելու եմ: Սայլը տեղից չի շարժվում, պատերազմի մեղավորներն այդպես էլ պատասխանատվություն չեն կրում: Դավաճաններն այնտեղ դավաճանել են, այսօր եկել, պաշտոններ են զբաղեցնում: Անունները գիտեմ, չեմ կարող անուններ տալ: Ջալալ Հարությունյանը դատվել է մի դրվագով, էլ ուրիշ ո՞վ է դատվել, թող մեկին ցույց տան: Էլ ոչ մի ակնկալիք չունեմ՝ ո՛չ Նիկոլի իշխանությունից, ո՛չ ընդդիմությունից, 6 տարի է ոչ մեկը ոչինչ չի անում:

Տարիներ շարունակ սպասել եմ, որ իմանամ՝ ով էր, ի վերջո, պատերազմի կորուստների համար մեղավոր: Մեր տղերքի զոհվելու մեղավորներն ովքե՞ր էին: Իմ ախպերը, որ զոհվել է, էդ «բարդակը», որ տիրել է, ո՞վ է դրա մեղավորը եղել: Էդ «բարդակը» զինվորը չէր շինել, «բարդակ» շինողները հրամանատարներն էին: Թող ասեն՝ էսինչ մեկը դատվեց էսինչ սխալ գործողությունների համար. անհետ կորածներն էլ, զոհերն էլ էսինչ սխալ գործողության հետեւանք են եղել: Քննիչ հանձնաժողովն ի՞նչ էր քննում, թող ասեն՝ ի՞նչ եղավ, ո՞նց եղավ: Հավի ճուտ չենք տվել, առյուծ տղերք ենք տվել: 18-20 տարեկան հալներով 44 օր երեք բանակի դեմ կռիվ են տվել: Ու այսօր մեզ փորձում են էլի պատերազմով վախեցնել, թե՝ պատերա՞զմ եք ուզում… Մենք այդ պատերազմն էլ կկրեինք, եթե տղերքին չդավաճանեին:

Այս թեմայով «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Ռեալ Սոսյեդադ» նոր հայտարարությունը Զախարյանի վերաբերյալ Մեզի կարմիր է տված, տրամադրությո՞ւնս՝ փառք Տիրոջը․ Վարդան Ղուկասյանին ոստիկաններն ուղեկցեցին դատարան Արսեն Թորոսյանը որպես պատվավոր հյուր, մասնակցել է Ուկրաինայի անկախության 35-ամյակին նվիրված միջոցառմանը Զախարյանին ասացի, որ ամեն ինչին սահման կա. «Ռեալ Սոսիեդադի» մարզական տնօրեն