Ամերիկյան նավատորմի հպարտությունը` «USS Gerald R. Ford» ավիակիրը երկար ժամանակով չի շահագործվի

Ամերիկյան նավատորմի հպարտությունը` «USS Gerald R. Ford» ավիակիրը կարող է 12-14 ամիս դուրս մնալ շահագործումից՝ խոշոր վերանորոգման համար։ Պատճառը մարտի 12-ին նավի գլխավոր լվացքատանը բռնկված խոշոր հրդեհն էր` ըստ պաշտոնական հաղորդման։

Չնայած հրամանատարության կողմից վնասի չափը նվազեցնելու սկզբնական փորձերին, հաղորդվել է, որ հրդեհաշիջման աշխատանքները տևել են 30 ժամ, և ավելի քան 600 նավաստի կորցրել են իրենց տեղերը՝ ուժեղ ծխի և իրենց բնակելի տարածքներին հասցված վնասի պատճառով։ Ու դա ոչ մի կերպ չի համապատասխանում լվացքատանը բռնկված հրդեհի վարկածին:

Դեպքից հետո լայնորեն տարածվել են ենթադրություններ դիտավորյալ հրկիզման մասին։ Հաղորդագրությունները, այդ թվում՝ իրանական աղբյուրներին և ԱՄՆ ռազմածովային ուժերի ներքին հետաքննություններին հղում անող հաղորդագրությունները, ենթադրում են, որ հրդեհը կարող է բռնկված լինել անձնակազմի անդամի կողմից դիտավորյալ հրկիզումից։ Նշվում է Իրանի հետ երկարատև պատերազմի և անձնակազմի ծայրահեղ հյուծվածության դեմ բողոքը. նավաստիները գրեթե մեկ տարի ծովում են եղել առանց հերթափոխի՝ իրենց ներքին համակարգերի անընդհատ խափանումների պայմաններում։

Այլ վարկածով, ավիակիրը ենթարկվել է իրանական հրթիռային հարձակման:

Վաշինգտոնը դեռևս չի հաստատել այլընտրանքային տարբերակները, թեեւ նավն արդեն լքել է Կարմիր ծովը և ուղևորվում է Կրետեի Սուդա Բեյ բազա՝ վնասը գնահատելու և անձնակազմին հանգստանալու հնարավորություն տալու համար։

Ամեն դեպքում, անկախ պատճառից, «USS Gerald R. Ford» ավիակիրը չի կարող օգնել ԱՄՆ-ին` Իրանի դեմ պատերազմում:

Այս թեմայով Գերմանիայի ամերիկյան Շպանգդալեմ ավիաբազայում ռազմական ինքնաթիռ է կործանվել Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Ամերիկյան գերգաղտնի ռազմական բեռը սխալմամբ ուղարկվել է... Չինաստան Կենդանակերպի այս նշանները սեպտեմբերի վերջից առաջ երկար սպասված առաջընթաց կապրեն Ռուսաստանը Իրանին տրամադրել է արբանյակային տվյալներ՝ ամերիկյան բազաներին հարվածների համար. CNN