«Սրիկայի ձեռքը սեղմածները»՝ persona non grata Եռաբլուրում. նոր բողոքի ալիք է ձեւավորվում

44-օրյա պատերազմում զոհված զինծառայող Դավիթ Գեւորգյանի հերոսածին մայրը՝ Ալիսա Գեւորգյանը, հանդես է եկել կոշտ հայտարարությամբ եւ, ըստ էության, ձեւավորել է նոր հանրային ալիք, որը գնալով ընդլայնվում է։

«Էս սրիկայի ձեռքը սեղմած ցանկացած մեկը՝ լինի ծանոթ, բարեկամ, հարեւան, թե մոտ հարազատ, Եռաբլուր մտնելիս չփորձե՛ք մոտենալ էրեխուս շիրիմին, ես արգելում եմ»,- Ալիսա Գեւորգյանի այս խոսքերը, որոնք ակնհայտորեն ուղղված են երկրի ներկայիս իշխանության առաջին դեմքին, լայն տարածում են գտել սոցիալական հարթակներում՝ վերածվելով յուրատեսակ ֆլեշմոբի։

Ալիսա Գեւորգյանի հայտարարությանը հետեւել են տասնյակ այլ ծնողների եւ հարազատների գրառումներ, որոնք գրեթե նույն բառապաշարով վերահաստատում են նույն դիրքորոշումը՝ փաստացի ձեւավորելով լուռ, բայց խոսուն բողոք այն իշխանության դեմ, որի վարած քաղաքականության հետեւանքները նրանք կրում են ամեն օր։ Այդ թվում հայտարարությամբ են հանդես եկել անմահ հերոսներ Մխիթար Գալեյանի մայրը՝ Աստղիկ Գալեյանը, Գեւորգ Վիրաբյանի քույրը՝ Տաթեւիկ Վիրաբյանը, Հակոբ Եղիազարյանի մայրը՝ Գայանե Արզումանյանը եւ այլք:

Նշենք, որ այս օրերին Նիկոլ Փաշինյանը շարունակում է իր ակտիվ նախընտրական քարոզարշավը՝ շրջելով փողոցից փողոց, այցելելով տարբեր համայնքներ եւ փորձելով անմիջական շփումներ հաստատել քաղաքացիների հետ՝ ավտոբուսներում ու մետրոյում, ինչը, իհարկե, ուղեկցվում է բազմաթիվ միջադեպերով։ Իսկ նրանք, ովքեր Նիկոլ Փաշինյանի տեսանյութերում ստանձնում են վերջինիս տեսած ու երջանկացած «հպարտ քաղաքացու» դերը, փաստացի ոչ միայն մերժվելու են զոհվածների ընտանիքների կողմից, այլեւ Եռաբլուրում դառնալու են «persona non grata»։

ՀՐԱՆՏ ՍԱՐԱՖՅԱՆ

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ Քոչարյանը՝ Փաշինյանին ձեռքով կանչելու մասին․ «էնքան ասեց՝ կոշիկդ հանելու եմ, ասեցի՝ արի, հանի»