Շուկայում ունենք արդեն մինչեւ 250 դրամ հասնող բարձր դասի հավկիթներ․ «Իրազեկ և պաշտպաված սպառող» ՀԿ նախագահը ձվի շուկայում առկա ֆանտաստիկ գնաճի մասին

Ավանդական դարձած ձվի թանկացումը Զատկին ընդառաջ արդեն ոչ ոքի չի զարմացնում, չնայած նրան, որ համապատասխան պետական կառույցները հայտարարում են, որ քայլեր են ձեռնարկվում, թույլ չտալու համար գների անհիմն թանկացում: Այնուամենայնիվ, մանրածախ առևտրի կետերում խոշոր ձվի 1 հատի գինը արդեն 100-170 դրամ է, այն դեպքում, երբ դեռ մեկ ամիս առաջ դրանք կարելի էր ձեռք բերել անգամ մինչեւ անգամ 17 դրամից սկսած։ 

Ինչո՞վ է պայմանավորված ձվի շուկայում առկա ֆանտաստիկ գնաճը «Իրազեկ և պաշտպաված սպառող» ՀԿ նախագահ ԲԱԲԿԵՆ ՊԻՊՈՅԱՆԸ նկատում․

-Այն ինչ կատարվում է այսօր ձվի շուկայում՝ տնտեսական քաղաքականություն չունենալու պարզունակ հետեւանք է։ Հիմա մեկնաբանեմ ինչու․ երբ մենք չունենք տնտեսություն, որը բոլոր ենթակառուցվածքներով ապահովված է, երբ պետությունը ավելի շատ խոսում է բիզնեսին աջակցելու մասին քան իրականում աջակցում է, երբ կարեւոր պահին, երբ անհրաժեշտ է՝ միջամտություն չի անում․ ունենում ենք այ այս ֆորսմաժորային իրավիճակը։ Կհիշեք՝ սրանից տարիներ առաջ հավկիթի շուկայում միշտ Զատիկին, Ամանորին ընդառաջ դեֆիցիտ էր լինում, ձուն ներմուծում էին այլ երկներից, որպեսզի փակվի դեֆիցիտը, լավ մեխաինզմ չէր, բայց շուկան կարգավորվում էր։ Հետո տեղական արտադրողները խոստացան պետությանը, որ կհասցնենք ինքնաբավության մակարդակի, ամեն ինչ արվում էր, որ ներմուծում տեղի չունենա եւ գներն էլ զսպվում էին։ Բայց ավելցուկի ժամանակահատվածում  գների էական անկում էր տեղի ունենում, ու բիզնեսը սկսում էր բողոքել, ու բնականաբար, այն ընթացքում, երբ իր արտադրածը շուկայում մի բան էլ ավելանում է տեղի էր ունենում աննախադեպ գնանկում, ինչը ունեցել ենք նախորդ տարվա սեպտեմբեր-հոկտեմբեր ամիսներին։ Հիմա արդեն եկել է այն ժամանակահատվածը, երբ արդեն բիզնեսը սկսել է հավկիթի պահեստավորում, որպեսզի Զատիկին դուրս բերի շուկա, բնականաբար այլեւս  պահանջարկի պակաս չկա։ Շուկայում ունենք արդեն մինչեւ 250 դրամ հասնող բարձր դասի հավկիթներ, որոնց հաշվին ցածր դասի հավկիթները իրենց գինը հանեցին։ Պետությունն էլ որեւէ միջամտություն չարեց գների կարգավորման մեխանիզմների մեջ եւ ըստ այդմ ունենք այն ինչ ունենք։

Այս իրավիճակը կշարունակվի մինչեւ Զատիկ, հետո կտրուկ գնանկում կլինի, որովհետեւ առաջարկը կսկսի կրկին գերազանցել պահանջարկին, բայց Զատիկից հետո միայն։

Այս թեմայով Ադրբեջանցին սպանելու դիտավորություն չի ունեցել, երեխեքի ձեռքից հեռախոսը վերցրել է, ժամերով չի վնասել. ՔԿ նախագահ ՔԿ նախագահը՝ բանակի ողբերգությունների մասին․ «Սեկտայի հարող զինվոր կա, դաջվածքներով են գալիս» Լեզվակռիվ՝ ՊԵԿ նախագահի հետ․ «Ձեր ազգականները ո՞նց պաշտոնի նշանակվեցին», «Էական չի», «Էական է» Շախմատը միշտ եղել է իմ հետաքրքրությունների շրջանակում. Երեւանի շախմատի ֆեդերացիայի նախագահի առաջին հարցազրույցը Այդ ե՞րբ է պետականություն գաղափարը մտահոգել փողոցով եւ փողոցից եկածներին...