Չեմ կարծում՝ աղետ է սպասվում, եթե ընտրությունների արդյունքներն այլ լինեն, քան ենթադրում է պարոն Փաշինյանը. Նավասարդյան

Նիկոլ Փաշինյանը հիմա էլ հաշմանդամությամբ է սպառնում լրագրողներին եւ ընտրողներին... Եվ սա դեռ այն փուլում, երբ նախընտրական քարոզարշավը սարերի հետեւում չէ, եւ կրկին ակնկալիք ունի վերընտրվելու: «Չեք կարող մեր օգտին չքվեարկել, հակառակ դեպքում՝ մնալու եք անգործ կամ ձեզ սպառնում է հաշմանդամություն», - նման խոսույթով լրագրողների հետ ճեպազրույցի ընթացքում երեկ հանդես եկավ երկրի ղեկավարը՝ խոսելով խոսքի ազատության մասին: Թե այս հայտարարությունը որքանով անմիջական աղերս ունի խոսքի ազատության հետ, «Իրավունք»-ը փորձեց պարզաբանում ստանալ «Հարավային Կովկաս» միջազգային ասոցիացիայի համանախագահ,Երեւանի մամուլի ակումբի պատվավոր նախագահ ԲՈՐԻՍ ՆԱՎԱՍԱՐԴՅԱՆԻՑ։

— Պարոն Նավասարդյան, նման արտահայտություն անելով՝ Նիկոլ Փաշինյանն ի՞նչ մեսիջ է հղում լրագրողներին եւ առհասարակ զանգվածային լրատվության միջոցներին:

— Ճիշտն ասած, զբաղվածության պատճառով չեմ հետեւել, բայց եթե ասում եք, որ այդպես է արտահայտվել, կմեկնաբանեմ այսպես. փաստորեն, գաղափարն այն էր, եթե չի ընտրվում «Քաղաքացիական պայմանագիր« կուսակցությունը, ապա Հայաստանում խոսքի ազատություն չի լինելու:

Կարծում եմ՝դա չափազանցված մոտեցում է վարչապետի կողմից: Հայաստանում եղել են տարբեր իշխանություններ, բայց կարելի է ասել, որ խոսքի ազատություն, որքան էլ հիմա հակառակն են ասում, կար: Իհարկե, լրատվամիջոցներն ունեցել են բազմաթիվ խնդիրներ, սահմանափակումներ կային, ինչպես եւ այսօր կան նմանատիպ սահմանափակումներ, բայց ասել, որ բոլորիս աղետ է սպասում, եթե հանկարծ ընտրությունների արդյունքներն այլ լինեն, քան ենթադրում է պարոն Փաշինյանը, ես չեմ կարծում:

— Այսինքն, նման ձեւակերպում տալով Նիկոլ Փաշինյանը զգուշացնում է, որ եթե իր փոխարեն որեւէ մեկն ընտրվի վարչապետ, լրագրողական համայնքը զրկվելո՞ւ է խոսքի ազատությունից:

— Կարծում եմ՝ այո: Առաջին հերթին նկատի ունենալով, որ լրատվամիջոցների, լրագրողների նկատմամբ բավականին ագրեսիվ եւ կոշտ էին նախորդ իշխանությունները: Այդպիսի դրսեւորումներ իրականում կային, բայց դա, ամեն դեպքում, էականորեն իրավիճակը մեր լրատվամիջոցներում չէր փոխում:

— Բայց չէ՞ որ ինչպես Ռոբերտ Քոչարյանի օրոք, այնպես էլ հիմա էլի կան ակնհայտ ճնշումներ լրատվամիջոցների նկատմամբ: Չմոռանանք, «Իմնեմնիմի» փոդքաստի համահեղինակներ Նարեկ Սամսոնյանի եւ Վազգեն Սաղաթելայնի դեպքը, որոնք մինչեւ այսօր կալանքի տակ են՝ մեկը տանը, մյուսը՝ քրեակատարողական հիմնարկում:

— Ես դա էլ նկատի ունեմ, որ հիմա էլ կան նմանատիպ դրսեւորումներ, որը շատ մտահոգիչ է:

ՆԱՆԱ ՍԱՐԳՍՅԱՆ

Այս թեմայով Արցախցիների ձայները բաժանվելու են մի քանի մասի. Արցախցի հասարակական գործիչը փակագծեր է բացում ՇՏԱՊ. Ցամաքային սահմանով Ադրբեջան է այցելել 20 հոգանոց հայկական պատվիրակություն․ ո՞վքեր են նրանք Նկատողություն, ծեծ, հայհոյանք․ ի՞նչ է կատարվել Արսինե Նավասարդյանի որդուն սպանելուց առաջ Ինչն է եղել դերասանուհի Արսինե Նավասարդյանի որդուն կրակելու պատճառը, որի հետևանքով նա հեռացավ կյանքից․ մանրամասներ Ալիեւը չի կարողանում հագեցնել վրեժխնդրության իր ծարավը. Բորիս Առուշանյանը արցախյան էլիտայի «դատավճիռիների» մասին