Տարահանվելու կամ երկրից դուրս գալու ցանկություն չկա․Նոր մանրամասներ Թեհրանի հայ համայնքից

Ինչպե՞ս է Իրանում հայ համայնքի վիճակը, հայտնի էր, Իրանի Իսպահան քաղաքի հայկական թաղամասերը եւս դարձել էին թիրախ։ Հայաստան վերադառնալ ցանկացողներ կա՞ն հարցի պատասխանը փորձել ենք ստանալ Թեհրանի հայկական «Արաքս» թերթի գլխավոր խմբագիր Մովսես Քեշիշյանից․

- Իրանի հայ համայնքի վիճակը դեռևս կայուն է և գրեթե անվտանգ: Եվ ինչպես ողջ Իրանի ժողովրդի այնպես և հայության դեպքում տարահանվելու կամ երկրից դուրս գալու կարիք չի եղել ու ցանկություն չկա: Եվ հույս ունեմ, որ այդ վիճակի չենք հասնի: Վերջին հաշվով տարագրվելը ցավալի և ծանր երևույթ է, որի դառը համը անգամներ զգացել է հայ ժողովուրդը, նամանավանդ, 20-րդ և 21-րդ դարերում:   

- Ինչպե՞ս եք տեսնում այս պատերազմի ավարտը։

- Պատերազմի ավարտը որոշակի պայմանների հետ է կապված, որոնց մեջ առաջնային է հակամարտող կողմերի պահանջների, գոնե որոշակի չափով, իրականացումը, ինչն այս պահին դեռ չի երևում՝ ո՛չ ագրեսոր կողմը՝ Ամերիկո-իսրայելյան կոալիցիան, է հասել իր նպատակին, ո՛չ էլ Իրանը, և ըստ իս դժվար թե մոտ օրերին դա հնարավոր լինի: Իսկ միջազգային կառույցները լրիվ անգործության են մատնվել առաջին հերթին ԱՄՆ-ի ճնշումների հետևանքով: Ու քանի որ բանակցելու ցանկություն չկա կողմերի մոտ, հաղթող կողմը ճշտվելու է ճակատում: Իրանը դեռ երկար է դիմադրելու, իսկ ագրեսորը դժվար թե ցամաքային հարձակման անցնելու ռիսկի գնա:   

- Ինչպես է պաշտոնական Իրանը վերաբերում ՀՀ-ի , ըստ էության, կողքից նայելու քաղաքականությանը։ Այս կեցվածքը չի՞ ազդի արդյոք Իրան-ՀՀ հետագա հարաբերություններին։

- Ես չգիտեմ թե, ինչ նկատի ունեք, երբ նշում եք, որ ՀՀ-ն «կողքից» է նայում Իրանի դեմ ծավալված ԱՄՆ-Իսրայել տանդեմի ագրեսիային, այսինքն դուք կարծում եք, որ Հայաստանը պիտի ներքաշվեր այդ պատերազմի մեջ կամ պիտի Պապից ավելի պապական դարձած ամենախիստ կերպով դատապարտեր ագրեսոր կողմին:

Եվ հարց է առաջանում, թե ի՞նչ կարող էր անել Հայաստանը իր բարեկամ և եղնայրական երկիր Իրանին փրկելու համար: Ձեզ կուզեի հիշեցնել ՀՀ-ում Իրանի ԻՀ արտակարգ և լիազոր դեսպան Խալիլ Շիրղոլամին հատուկ շնորհակալություն է հայտնել Հայաստանին Իրանին նպաստող դիրքորոշումների համար:

Այս թեմայով Ucom-ը՝ Միկրոէլեկտրոնիկայի միջազգային 21-րդ օլիմպիադայի գլխավոր հովանավոր Ինչպես քոչարյանականները խաբեցին ընտրազանգվածին Որ ուժերն են մասնակցում Կարապետյանի տան հավաքին ՇՏԱՊ. Սամվել Կարապետյանի տանը արտակարգ հանդիպում է ԱՄՆ ընտրությունները դժվար թե կտրուկ փոփոխություններ առաջացնեն