Անկախության հռչակագիրը ջնջել հնարավո՞ր է, դուք, գուցե, չգիտեք, ես գիտեմ, դա պատմական փաստ է. Գալյան

Այս պահին ներկայացված Սահմանադրության փոփոխության տեքստում ներածությունը չի եղել առհասարակ։ ԱԺ-ում լրագրողների հետ զրույցում ասաց Սրբուհի Գալյանը՝ պատասխանելով հարցին՝ ի վերջո, Սահմանադրությունից Անկախության հռչակագիրը հանե՞լ են, թե՞ ոչ։

Դիտարկմանը՝ հռչակագիրը հանել են, ասաց, որ Անկախության հռչակագիրը ներածության մեջ է։

Նախարարը կրկնեց, որ ինչպես խոստացել է, նոր Սահմանադրության տեքստը պատրաստ է, սակայն խորհրդում քննարկման պետք է ներկայացվի, նոր միայն՝ հանրությանը։

Նա նշեց, որ ներածությունը դեռևս չեն ամբողջացրել՝ պնդելով, որ շտապելու խնդիր չկա։ «Մենք չունենք Սահմանադրության փոփոխության համար հանրաքվեի ժամկետ։ Ես ձեր մտահոգությունները կհասկանայի, եթե ժամկետ ունենայինք, այսինչ օրը անցկացնելու ենք հանրաքվեն և ուշացնենք տեքստի հրապարակումը, ոչինչից չենք ուշանում այս պահին»,- ասաց նա և նշեց, որ կտան բավարար ժամանակ՝ ծանոթանալու տեքստին և կատարելու ճիշտ ընտրություններ։

Հարցին՝ Փաշինյանի հայտարարություններից արդյո՞ք պարզ չէ, որ հանել են հռչակագիրը՝ Գալյանը պատասխանեց. «Մենք հրապարակելու ենք տեքստը, որտեղ ակնհայտ կլինի, թե ինչ դրույթներ են շարունակելու մնալ, որոնք չեն լինելու»։ Նա միաժամանակ նշեց, որ կա խաղաղության օրակարգ, որը սպասարկում է ամբողջ կառավարությունը. «Բոլորս իրականացնում ենք մի քաղաքականություն և սպասարկում ենք քաղաքական ուղղություն»։

Նշեց, որ մինչև ընտրություններ կարծում է, որ տեքստը կհրապարակվի։

Ի դեպ, դիտարկմանը, թե Անկախության հռչակագիրը հանում են ընդհանրապես՝ Գալյանն արձագանքեց. «Անկախության հռչակագիրը ջնջել հնարավո՞ր է, դուք, գուցե, չգիտեք, ես գիտեմ, դա պատմական փաստ է»։

Այս թեմայով «Քրեական գործերի քննությունը տևում է մի ողջ հավերժություն» պնդումն այլևս ակտուալ չի լինելու. Գալյան Հեռախոսների կոդերի գրանցման նպատակը բացարձակ որևէ մեկին հսկելը չէ. Գալյան Վարչապետը երբեք չի ասել, որ այդ խախտումների արդյունքում ընտրությունների վերջնարդյունքը պետք է դրվի կասկածի տակ. Սրբուհի Գալյան Սա այն իշխանությունն է, որ չի խղճում ոչ մեկին, այդ թվում՝ սեփական թիմի ներկայացուցիչներին. Սրբուհի Գալյան Ես ՍԴ եմ եկել որպես ՔՊ-ի ներկայացուցիչ. արդարադատության նախարար