Ռուսաստանում խոսում են նոր բանակցությունների մասին․ Թուրքիան կարող է կրկին դառնալ հարթակ

Ռուսաստանի Դաշնության խորհրդի սենատոր Գրիգորի Կարասինը հայտարարել է, որ Թուրքիան կարող է դառնալ Ռուսաստանի և Ուկրաինայի միջև նոր բանակցությունների անցկացման վայր։ Նրա խոսքով՝ Անկարան արդեն նախկինում հանդես է եկել որպես բանակցությունների հարթակ, ուստի կարող է կրկին ստանձնել այդ դերը։

Կարասինը նշել է, որ հիմնական խնդիրը ոչ թե հանդիպման վայրը, այլ կողմերի՝ հատկապես Ուկրաինայի պատրաստակամությունն է բանակցությունների համար։ Նրա գնահատմամբ՝ վերջին շրջանում Ուկրաինայի ղեկավարությունը, մասնավորապես նախագահ Վլադիմիր Զելենսկին, ավելի կոշտ դիրքորոշում է ցուցաբերում, ինչը բարդացնում է երկխոսության հնարավորությունը։

Միևնույն ժամանակ, Թուրքիան նախկինում բազմիցս հայտարարել է, որ պատրաստ է կազմակերպել բարձր մակարդակի բանակցություններ և հանդես գալ որպես միջնորդ։ Անկարան արդեն մի քանի անգամ ընդունել է ռուս-ուկրաինական բանակցությունների փուլեր՝ փորձելով նպաստել հակամարտության կարգավորմանը։ Աղբյուր՝ Лента.ру։

Այս թեմայով Ինչ են կանխատեսում եվրոպացիները առաջիկա ընտրությունների վերաբերյալ Երեխայի նկատմամբ բռնությունը մեղք է ոչ միայն օրենքի, այլ նաև Աստծո առաջ. Հայտնի իրավապաշտպանը մանկապղծության դեպքի մասին Ռադան, Նախարարների կաբինետը և Զելենսկու գրասենյակը կարող են հարվածի տակ հայտնվել Եթե Ռուսաստանը շուտով համարձակ քայլեր չձեռնարկի Եվրոպայի դեմ, պահը կարող է ընդմիշտ կորսվել ԵՄ-ն հանձնառու է աջակցել Հայաստանի ազգային անվտանգությանը, կարող եք ապավինել մեզ. ԵԽ նախագահ