ԱՅՍՕՐ ՆՇԱՆԱՎՈՐ ԲԱՆԱՍՏԵՂԾ ՀՈՎՀԱՆՆԵՍ ՇԻՐԱԶԻ ՀԻՇԱՏԱԿԻ ՕՐՆ Է

Այսօր, մարտի 14-ը, նշանավոր բանաստեղծ ՀՈՎՀԱՆՆԵՍ ՇԻՐԱԶԻ հիշատակի օրն է, ուղիղ 42 տարի է անցել։ Գյումրիում գործող Հովհաննես Շիրազի հուշատուն ֊թանգարանի աշխատակիցները, տնօրեն, պատմական գիտությունների թեկնածու ԼՈՒՍԻՆԵ ՊԵՏՐՈՍՅԱՆԻ գլխավորությամբ այցելեցին մեծ բանաստեղծի հուշարձանին, ծաղիկներ խոնարհեցին ու խնկարկեցին։

Հուշարձանը գտնվում է Գյումրիի Վարդան Աճեմյանի անվան պետական  դրամատիկական թատրոնի դիմաց։ Iravunk. com -ի Շիրակի մարզի թղթակիցը ևս ներկա է գտնվել։ Թանգարանի տնօրեն Լուսինե Պետրոսյանը նշեց. «1984 թվականի այս օրը նրա սրտի բաբախի հետ կանգ առավ նաև արգասաբեր գրիչը, բայց խոսքն ու պատգամները շարունակում են ու դեռ կշարունակեն արձագանքվել սերնդե֊սերունդ»։ Հայ պոեզիայի գարնանաբեր ու գարնանաբույր բանաստեղծը։ Նրա մրրկածուփ երգերի շառաչը կհնչի այնքան ժամանակ, քանի կա Մասիսն ու հայ ժողովուրդը։ Հանճարեղ Շիրազի մահը նման էր արևի մահվան, հատիկի վախճանի։ Մեջբերենք մեծ բանաստեղծի խոսքերը.

«ԹՈՂ ԻՄԱՆԱՆ ԴԱՐԵՐՆ ԱՄԵՆ, ԱՅՍ ԻՄ ԵՐԿՏՈՂ ՇԻՐԱԶՆԱՄԵՆ, ԵՍ ԿՄԵՌՆԵՄ, ԴԱՌՆԱՄ Ի ՀՈՂ, ԳԻՐՍ ՄՆԱ ՀԻՇԱՏԱԿՈՂ» ...

ՀՈՎՀԱՆՆԵՍ ՍԱՐԳՍՅԱՆ

Այս թեմայով Երբ Փաշինյանի հետ լուսանկարը «մեղք» է, իսկ նրա գովքը՝ «հումոր» Անձնական հակակրանքով ու վրեժխնդրությամբ չի բարեփոխվում ոչինչ․ Հայր Հովհաննես Հովհաննես Իշխանյանը հանդես է եկել հաջակցություն Մել Դալուզյանի Գողացել են Հովհաննավանքի և Արտաշատի Սուրբ Հովհաննես եկեղեցիների խաչերը «Ժողովուրդ». Ընտրությունների օրը Մոսկվայից ՀՀ ժամանած Հովհաննես Սահակյանին երեք ամիս չեն թողում վերադառնալ ՌԴ