«20 ՕՐ ՇԱՐՈՒՆԱԿ, ԱՌԱՆՑ ԴԱԴԱՐԻ ՊԱՅՔԱՐԵԼ Է ԹՇՆԱՄՈՒ ԴԵՄ, ԱՌԱՋՆԱԳԾՈՒՄ». ԱՆՄԱՀ ՀԵՐՈՍ ՍԱՄՎԵԼ ՄԱՆԱՍՅԱՆ

Մարտի 13֊ը, Արցախյան 44-օրյա դաժան պատերազմի անմահ հերոս ՍԱՄՎԵԼ ՄԱՆԱՍՅԱՆԻ ծննդյան օրն է, կդառնար 25 տարեկան։ Նրա շիրիմին են այցելել հարազատներ, ընկերներ, համագյուղացիներ, ծաղիկներ խոնարհել ու խնկարկել։ Անմահ հերոսի մայրը, տիկին ՍՈՆԱ ՄԱՆՈՒԿՅԱՆԸ, Iravunk.com -ի հետ զրույցում, խորը ցավը սրտում նշեց. «Սամս ծնվել է 2001 թվականի մարտի 13֊ին, Երևանում, ապա տեղափոխվել ենք Կոտայքի մարզի Քասախ գյուղ։ Որդիս շատ զսպված, կենսուրախ, կատակասեր երիտասարդ էր։ Դպրոցում շատ սիրված էր թե աշակերտների, թե ուսուցիչների կողմից։ Դպրոցն ավարտելուց հետո զբաղվում էր քանդակագործությամբ։ Նա շատ էր սիրում ինձ անակնկալ մատուցել։ Երազանքները շատ էին, ցավոք մնացին անկատար։ Թանկագին զավակիս հետ վերջին զրույցը ինձ հետ էր ասում էր.

«ՄԱՄ ՋԱՆ, ԱՍԱԾԴ ՈՒԺԻ ՄԵՋ Է? ԻՆՉ ՏՂԵՍ, ԷՆ ՈՐ ԻՆՁ ՄԻՇՏ ԱՍՈՒՄ ԷԻՐ, ՀԱ ԵՍ ՔԵԶ ՇԱՏ ԵՄ ՍԻՐՈՒՄ»։

Որքան էլ ժամանակ անցնի, ցավը մնում է ցավ ու երբեք էլ չի սպիանում։ Ինչ էլ լինի, երբեք չենք կարող համակերպվել այս դաժան իրողության հետ»։ Անմահ հերոս Սամվել Մանասյանը, 20 օր շարունակ, առանց դադարի պայքար է մղել նենգ թշնամու դեմ, առաջնագծում Թալիշի դիրքերում, հոկտեմբերի 17֊ին անօդաչու թռչող սարքի հարվածից ծանր վիրավորում ստացել, հոսպիտալ տեղափոխվելու ճանապարհին անմահացել»։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել Ուկրաինայում նաեւ Սարդ-մարդուն են մոբիլիզացրել պատերազմ ուղարկելու համար (Ֆոտո) 26 ՏԱՐԻ ԱՌԱՆՑ ԽԻԶԱԽ ՀԱՅՈՐԴԻ ՎԱՐՈՒԺԱՆ ԴԱՎԹՅԱՆԻ