ԱՄՆ-ն Իրանի գերագույն առաջնորդի և բարձրաստիճան պաշտոնյաների իսկական որս է սկսել. Իրանը կպատասխանի

ԱՄՆ-ն իսկական որս է սկսել Իրանի գերագույն առաջնորդի և բարձրաստիճան պաշտոնյաների նկատմամբ։

Պետդեպարտամենտը հայտարարել է 10 միլիոն դոլարի պարգևատրման մասին՝ «Արդարադատության համար պարգևատրում» ծրագրի շրջանակներում, Իրանի նոր գերագույն առաջնորդ Մոջթաբա Խամենեիի գտնվելու վայրի մասին տեղեկատվության համար։
Որոնվողների ցուցակում են նաև Անվտանգության խորհրդի քարտուղար Ալի Լարիջանին, առաջնորդի աշխատակազմի ղեկավար Ալի Ասղար Հեջազին, ռազմական խորհրդական Յահյա Ռահիմ Սաֆավին, Ներքին գործերի նախարար Էսկանդար Մոմենին և հետախուզության ղեկավար Իսմայիլ Խատիբը։

Վաշինգտոնը տեղեկատուներին խոստացել է ոչ միայն մեծ պարգևատրում, այլև պաշտպանություն և տեղափոխման հնարավորություն։ Թրամփը նախկինում ընդունել է, որ նախորդ ղեկավարության վերացմանը հակառակ՝ նոր առաջնորդի գտնվելու վայրը անհայտ է։

Իրանական լրատվամիջոցներն արդեն հրապարակել են Խամենեիի առաջին հայտարարությունը՝ առանց կադրերի, իսկ երկրի արտաքին գործերի նախարարությունը հաստատել է, որ նա վիրավորվել է ԱՄՆ-ի և Իսրայելի հարվածների ժամանակ, բայց ներկայումս լավ առողջական վիճակում է։

Իրանական մի շարք աղբյուրներ ակնարկում են, որ Իրանը կտա համարժեք պատասխան` թիրախավորելով ամերիկյան առաջնորդին եւ բարձրաստիճան պաշտոնյաներին:

Այս թեմայով Սաուդյան Արաբիան պաշտոնապես խոսեց ԱՄՆ-ի դավաճանության մասին CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ԱՄՆ զինված ուժերը ստիպված են լքել նաեւ Իրաքյան Քրդստանը ԱՄՆ-ն քննարկում է ՌԴ-ի հետ լայնածավալ գործարքներ կնքելու հարցը՝ մինչև Ուկրաինայում պատերազմի ավարտը. The New York Times ԱՄՆ-ի որոշումը շոկային ռեակցիա է առաջացրել ուկրաինացիների մոտ