Երևանը հրաժարվել է արցախցիների համար ռուսական հումանիտար օգնությունից. Զախարովա

ՌԴ ԱԳՆ-ն մարտի 12-ին հայտնել է, որ Հայաստանը հրաժարվել է արցախցի փախստականների համար նախատեսված ռուսական հումանիտար օգնության հերթական խմբաքանակի առաքումից: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մանրամասնելով, որ աջակցությունն իրականացվում էր «Ռուսական հումանիտար առաքելություն», «Եվրասիա» ԻՈԱԿ-ի և «Ռոսսոտրուդնիչեստվո» կառույցների միջոցով: ՀՀ կառավարությունը դեռ պաշտոնապես չի մեկնաբանել այս հայտարարությունները: Զախարովայի խոսքով՝ ծրագիրը մեկնարկել էր 2025 թվականի հունիս-հուլիսին՝ ի պատասխան հայաստանյան հասարակական կազմակերպությունների դիմումի, և այդ ընթացքում օգնություն է ստացել շուրջ 7000 ընտանիք։ Փոխանցվել է շուրջ 140 տոննա բեռ՝ պարեն և առաջին անհրաժեշտության ապրանքներ, որոնց մի մասը ձեռք է բերվել հենց Հայաստանում՝ տեղական արտադրությանն աջակցելու նպատակով: ՌԴ ԱԳՆ ներկայացուցչի փոխանցմամբ՝ պաշտոնական Երևանը մերժումը հիմնավորել է նախընտրական օրենսդրության նորմերով, որոնք սահմանափակում են նվիրատվություններն ու բարեգործական օգնությունը ընտրարշավի փուլում:

Զախարովան շեշտել է, որ հայկական կողմը չի հստակեցրել, թե կոնկրետ որ իրավական ակտերն են խոչընդոտում գործընթացին։ Ըստ նրա՝ Ընտրական օրենսգիրքը կուսակցությունների հետ կապված կառույցներին արգելում է բացառապես քարոզչությունը, սակայն ոչ հումանիտար աջակցության տրամադրումը։ Զախարովան ընդգծել է, որ օգնություն ստանալու համար քաղաքացիների դիմումների թիվը շարունակում էր աճել ընդհուպ մինչև հայաստանյան կողմից այդ մերժումը, և Երևանին ուղղված հարցմանը պատասխան չի ստացվել: Նա նման քայլը կապել է ընտրությունների նախաշեմին հայաստանյան իշխանությունների՝ Ռուսաստանի վերաբերյալ հիշատակումները վերացնելու ցանկության հետ:

Օգոստոսի սկզբից «Ռուսական մարդասիրական առաքելություն» և «Եվրասիա» կազմակերպություններն իրականացնում են Հայաստանում բնակվող արցախցիներին  մարդասիրական օգնության խմբաքանակ տրամադրելու ծրագիր: «Ռուսաստանը ձեզ հետ է» նախագծի շրջանակներում արցախցիները ստանում էին սնունդ և անձնական հիգիենայի պարագաներ:

Այս թեմայով Արևմուտքն անցել է Ռուսաստանի դեմ աhաբեկչության մասնակցությանը. Զախարովա Դուք տղամա՞րդ եք, թե կին․ Զախարովան Բուլգակովից մեջբերումով է պատասխանել Նիկոլ Փաշինյանի հայտարարություններին Փաշինյանը՝ Զախարովային․ «ՀՀ-ն ՌԴ քաղաքացիների համար վիզային ռեժիմ սահմանելու հարց չի քննարկել» Մոսկվան սադրիչ է համարում Ալեն Սիմոնյանի հայտարարությունները ռուսաստանցիների մասին Ալեն Սիմոնյանի հայտարարությունները հայկական հյուրընկալությանը հաղորդում են «թունավոր քաղաքական երանգ». Զախարովա