«Запах улиц еревана, После дождя, Я иду на сердце рана»

Ձյունը հալվեց ու տակից դուրս եկան..., չէ, սխալ չհասկանաք, տակից դուրս եկան մեծ փոսեր, որոնք այդպես էլ չեն փակվում: Այս ամիսների ընթացքում, ականատես եղանք զավեշտ հիշեցնող տեսարանների, երբ քաղաքացիները հող էին լցնում փոսերի մեջ, իբր ժամանակավոր լուծումներ տալու համար: Զավեշտ, երբ երկու օր քաղաքապետարանը որոշում է փոսալցմամբ զբաղվել ու դրանով իր միսիան համարում ավարտված:
Զավեշտ, երբ ամեն տարի քաղաքացուց ահռելի գումարներ են վերցնում մեքենաների գույքահարկի եւ բնապահպանման քողի տակ, սակայն ոչինչ չի արվում սպասարկման որակը բարելավվելու առումով: Զավեշտ է, որ այդ փոսերի պատճառով առաջանում են անանցանելի խցանումներ, երթեւեկության կանոնների խիստ խախտումներ, վթարներ եւ այլն: Խորը փոսեր նկատելի են մայրաքաղաքի գրեթե բոլոր վարչական շրջաններում։ Իսկ ի՞նչ է անում դրա համար քաղաքապետարանը՝ ոչ մի բան: Ավինյան Տիգրանը փոխարեն լուծի գերծանրացած խնդիրը, քաղաքապետարանում անհասկանալի ցուցահանդեսներ է կազմակերպում, կանանց տոնի առթիվ միջոցառումներ անում եւ այդ ամենը ներկայացնում իբրեւ մեծ գործ:

Այս ամենը խոսում է միայն ու միայն քաղաքապետարանում փող լվանալու, կոռուպցիայի զարգացման մասին: Հակառակ դեպքում, խնդիրը լուծված կլիներ եւ վերահսկողություն կսահմանվեր տենդեր շահած անձանց նկատմամբ: Վերջին հաշվով, դեռեւս չկա մի անձ, մի կազմակերպություն՝ սկսած տենդերներից վերջացրած վերահսկողներով, որ պատասխանատվության ենթարկված կլինի քաղաքում տիրող խայտառակ իրավիճակի համար: Հարց է ծագում՝ իրավապահիներին բնավ չի հուզում իրենց մեքենաների, քաղաքացիների անվտանգության եւ ի վերջո իրենց հարկերի շնորհիվ չկատարվածը:

Մաղթում ենք Ավինյանին եւ քաղաքապետարանում նստած ու իրենց ավագանի համարող մեծամասնությանը, որ գիշերով երթեւեկեն Երեւանի փողոցներով, որտեղ մեծ փոսերը բացարձակ չեն երեւում, ու երգեն.
«Запах улиц еревана, После дождя, Я иду на сердце рана» ...

ՆԱՆԱ ՍԱՐԳՍՅԱՆ

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Ինչ լուծում է տեսնում քաղաքապետը Ով է ստում․ Ավինյանը, թե՞ Փաշինյանը «Պիկ ժամին 2 մլն-ից ավել մարդ կա Երեւանում».Ավինյանը զայրացավ Վստա՞հ եք, որ էս էստակադան մենք ենք կառուցում, կարո՞ղ ա բլոգերներն են կառուցում. Ավինյան