Իրանը կռվում է տարածաշրջանի իր գլխավոր ախոյանի դեմ, կռվում է նաև աշխարհի թիվ մեկ բանակ ունեցող երկրի դեմ՝ ԱՄՆ-ի․«Ալիք» թերթի խմբագիր Արամ Շահնազարյան

Թեհրանում լույս տեսնող «Ալիք» թերթի խմբագիր Արամ Շահնազարյանը վստահեցնում է՝ ներկայիս ռազմական իրավիճակը ցույց է տալիս, որ Իրանը կարողանում է դիմակայել լուրջ ճնշմանը․

- Իրանը կռվում է տարածաշրջանի իր գլխավոր ախոյանի դեմ, որը ռազմական առումով տարածաշրջանի թիվ մեկ երկիրն է՝ Իսրայելը։ Կռվում է նաև աշխարհի թիվ մեկ բանակ ունեցող երկրի դեմ՝ ԱՄՆ-ի։ Երկու երկրների համատեղ ճնշման պայմաններում Իրանն շարունակ դիմադրում է և ոչ միայն պաշտպանվում է, այլ նաև պատասխան հարվածներ է հասցնում։  Իրանական ժողովրդի հոգեբանությունը, մշակույթը, արժեհամակարգը պետք է ճանաչել։ Պատերազմի հենց առաջին օրվանից նպատակը մեկն էր՝ գլխատել Իրանի քաղաքական և ռազմական ղեկավարությանը, այս անգամ՝ երկրի առաջին դեմքով՝ հանգուցյալ առաջնորդով, հասնել փլուզման և իշխանափոխության, կամ էլ, ինչպես Թրամփն էր նշում՝ իր համար «ընդունելի» մարդը պետք է լինի հաջորդ առաջնորդը։ Այս ընտրությունը շատ հստակ մեսիջ էր, որ Իրանն այն երկիրը չէ, որը կընկրկի ճնշումների դեմ, Իրանն այն երկիրը չէ, որի հետ կարելի է խոսել սպառնալիքների լեզվով, Իրանն այն երկիրը չէ, որ Վենեսուելայի նման կարող ես առևանգել առաջնորդին, կամ Իրանի դեպքում՝ սպանել առաջնորդին ու նշանակել քո ուզած մարդուն երկրի ղեկավարի պաշտոնում։ Սա հստակ մեսիջ էր նաև, որ Իրանը շարունակելու է իր արտաքին քաղաքական ուղղությունը, և որևէ փոփոխություն այդ ուղղությամբ չի լինելու, Իրանը պահպանելու է իր տարածաշրջանային դերակատարությունը։

Ինչ կապված է Նախիջևանին՝ ես կարծում եմ, որ դա սադրանք էր, միանշանակ սադրանք էր։ Սադրանք էր ո՞ւմ կողմից՝ Իսրայելի՞ կողմից, իսրայելա-ամերիկյա՞ն կողմից, թե՞ Ադրբեջանի կողմից, բայց ամեն դեպքում սադրանք էր դա՝ նոր ճակատ բացելու Իրանի դեմ։ Գիտեք, Իրանին անհրաժեշտ չէ նոր ճակատ այս պատերազմում։ Չեն խուսափի դրանից, բայց անհրաժեշտ չէ։ Հաշվի առնենք դրանից հետո Իրանի զինված ուժերի կենտրոնական շտաբի հայտարարությունը, որ զգուշացրեց Ադրբեջանին, որ «մենք չենք հարվածել, բայց զգուշացնում ենք ձեզ՝ հեռացրե՛ք սիոնիստներին ձեր տարածքից, որովհետև նրանք կարող են սադրել ամեն ինչ, և այդ սադրանքի անմիջական հետևանքների կրողները լինելու եք դուք։

Այս թեմայով Հայաստանը կանգնեց ռեալ տնտեսական շրջափակման և անվտանգային վակուումի առջև.Տնտեսագետը ահազանգում է ⚡️⚡️«Իրավունք» թերթի այսօրվա տպագիր համարում կարդացե՛ք... Ոչ ոք չէր սպասում․ Tigo-ն ու Rubi-ին տժժում են Արամ Ասատրյանի երգի տակ Ռուբեն Ռուբինյան, էս փոխխոսնակներդ վրիցդ թռնում ե՞ն, չե՞ս կարում վրեքները․ Արամ Քոչարյան Գեներալ «մեր Արամը» շատ էր խռովել. այդպես չարեց անգամ Վլադիմիր Գասպարյանը