Փաշինյանը գործում է «ընտրություններից հետո թեկուզ ջրհեղեղ» սկզբունքով

Լուսանկարը՝ Ասատուր Եսայանցի («ՌԻԱ Նովոստի»)

Իշխանությունների գրեթե բոլոր գործողություններն ու քայլերը գործնականում նպատակաուղղված ու հաշվարկված են մինչև հունիսի 7-ը՝ մինչև երկրում խորհրդարանական ընտրությունների անցկացման ժամկետը։ Նման կարծիք հայտնեց “NovostiNk.net”-ին «Արդար Հայաստան» կուսակցության նախագահ Նորայր Նորիկյանը։

«Արվում է ամեն ինչ մարդկանց չնյարդայնացելու և չչարացնելու, տրամադրության անկմանը չնպաստելու համար, սակայն միայն մինչև հունիսի 7-ը: Ընտրություններից հետո թեկուզ ջրհեղեղ. գործում է հենց այս տրամաբանությունը: Նմանատիպ կերպով ընտրություններից հետո իր իսկական դեմքը ցույց կտա նաև «խաղաղասեր Ադրբեջանը»։ Օրինակ՝ պահանջելով Հայաստանից նոր գին խաղաղության դիմաց»,- կանխատեսում է նա։

Իրականում պետության ռազմավարական ոլորտներում, քաղաքական գործչի կարծիքով, տիրապետում է կառավարման ճգնաժամը, և չկան խնդիրների լուծման հստակ ինստիտուցիոնալ մեխանիզմներ։ Ի պատասխան գոյություն ունեցող և առաջացող մարտահրավերների՝ ներկայիս իշխանությունը բացառապես գտնում է իրավիճակային լուծումներ՝ ամբողջ 7 տարի ունակ չլինելով ձևավորելու լիարժեք մթնոլորտ և պետական կառավարման համակարգեր։

Նշելով, որ փողոցներում ամեն օր կրակոցներ են հնչում, որոնք հաճախ սպանություններով են ավարտվում, քրեական տարրերը արյուն թափելով են հարցերը լուծում, Նորիկյանը նկատում է, որ այս ամենի պատասխանատու ոստիկանությունը, ի պատասխան, արդեն որերորդ տարին է՝ շարունակում է ճառել միայն սեփական բարեփոխման անհրաժեշտության մասին։

«Կարող եմ ասել, որ այս ամենի ֆոնին Փաշինյանը պարզապես չպետք է նորից հայտնվի իշխանության ղեկին, նա պետք է հեռանա այնպես, ինչպես որ եկել էր՝ փողոցով: Ես շարունակում եմ պնդել, որ հենց փողոցն է շարունակում մնալ այն լեգիտիմ զինանոցը, որն ազդեցություն ունի Հայաստանում քաղաքական գործընթացների վրա»,- ամփոփեց Նորիկյանը։

Ալեքսանդր Հարությունով

Այս թեմայով Փաշինյանի «դիվերսիֆիկացման» քաղաքականությունը Ալեքսանդրապոլի պայմանագիր 2 է «Գունավոր հեղափոխությունները»՝ հիբրիդային զենք Ֆաշիզմի ​​քարոզչությունը Հայաստանում անընդունելի է Արցախցի պատանի նկարչուհի Եվա Դանիելյան. «Միևնույն է, ես նկարելու եմ» Ֆուտբոլի պաշտոնյաների ոչ ֆուտբոլային կրքերը