Հիմա չէիք երազի՞, որ Արցախը Ռուսաստանի կազմի մեջ լիներ, բայց հայաթափ չլիներ. Ախոյան

«Չէի ուզում խառնվել էս թեմային, բայց չեմ կարող չարձագանքել որոշ մարդկանց։ Հիշո՞ւմ եք՝ ժամանակին Զորի Բալայանը, ավելի ուշ գեներալ Նորատ Տեր- Գրիգորյանը խոսեցին Արցախը հանրաքվեով Ռուսաստանի կազմի մեջ մտցնելու մասին, թե ի՞նչ վայնասուն բարձրացավ, ի՞նչ վիրավորանքների տարափ տեղաց էդ գաղափարի շուրջ, Աստված գիտի։

 

Հիմա չէիք երազի՞, որ Արցախը կանգուն լիներ, մեր հայրենակիցները տնավեր եղած չլինեին, թեկուզ Ռուսաստանի կազմի մեջ լիներ, բայց հայաթափ չլիներ, համոզված եմ, որ կուզեինք: Հիմա անդրադառնանք Վիտոի ասածին, գոնե հասկանո՞ւմ եք, ինչ է միութենական պետության գաղափարը, ինչո՞ւ Եվրամիության ինտեգրվելուն կողմ ենք, իսկ մյուսին՝ ոչ, ինչքան կարանք մեծ֊մեծ խոսենք ու անընդհատ կորցնենք, մեր նման տնտեսություն, և մտածելակերպ ունեցող ազգը, պետությունը, չի կարող միայնակ լուծել անվտանգության խնդիրները, ծերացող ու օր օրի այլասերվող արեւմուտքը, որը գտնվում է աշխարհի թաքնված տերերի ճիրաններում, ոչ մի լավ բան չեն խոստանում մարդկությանը։

 

Թերևս` այսքանը»,- գրել է ԱԺ նախկին պատգամավոր ԱՐԱԳԱԾ ԱԽՈՅԱՆԸ: