Այս տարի փետրվարին Հայաստան շուրջ 4000-ով ավելի զբոսաշրջիկ է այցելել, քան նախորդ տարի

Այս տարվա փետրվարին Հայաստան է այցելել 121 285 զբոսաշրջիկ։ Այս մասին հայտնում է ՀՀ զբոսաշրջության կոմիտեն։

Կոմիտեի տվյալներով` նախորդ տարվա նույն ժամանակահատվածում զբոսաշրջային այցելությունների թիվը 117 372 է եղել։ Սա նշանակում է, որ այս փետրվարին շուրջ 4000-ով ավելի զբոսաշրջիկ է մեր երկիր եկել։

«2026 թ․ փետրվարին դեպի Հայաստան առավել շատ զբոսաշրջային այցելություններ գրանցվել են Ռուսաստանից (37%), Վրաստանից (14%) և Իրանից (8%)»,- ասված է հաղորդագրության մեջ:

Զբոսաշրջության կոմիտեն տվյալներ է ներկայացրել նաև զբոսաշրջիկների տարիքային խմբերի մասին։ Ըստ այդմ՝ այս տարվա փետրվարին, ինչպես և նախորդ տարի, Հայաստան ավելի շատ այցելել են 35-44 տարիքային խմբի մարդիկ։

Այս թեմայով Որքան զբոսաշրջիկ է այցելել Հայաստան 2026թ. հունվար-սեպտեմբեր ամիսներին ՀՐԱՏԱՊ. Գեւորգ Սուջյանը զգուշացնում է Ավելի քան 20 զբոսաշրջիկ անհետ կորած է համարվում ԱՄՆ Գրանդ Կանյոն ազգային պարկում ուժեղ ջրհեղեղի հետևանքով (Տեսանյութ) Քանի զբոսաշրջիկ է հունիսին այցելել Հայաստան. Զբոսաշրջության կոմիտեն տվյալներ է հրապարակել 2026 թվականի հունվար-մայիսին Վրաստանի զբոսաշրջությունից ստացված եկամուտները նվազել են 2.1%-ով