Համեղ նրբաբլիթներ, կանանց տոնն ազդարարող ծաղիկներ, լավ երաժշտություն․ «Комсомольская правда в Армении»-ի ակցիան՝ 20-ամյակի առթիվ

Ռուսական լավ երաժշտություն, քաղցր նրբաբլիթներ, տաք թեյ, ժպիտներ պարգեւող ծաղիկներ՝ հենց փողոցում, յուրաքանչյուր անցորդի համար: Կանանց միջազգային օրվան ընդառաջ՝ ահա այսպիսի յուրօրինակ ակցիայով Երեւանի կենտրոնում հանդես եկավ արդեն երկու տասնամյակ Հայաստանում հրատարակվող «Комсомольская правда в Армении»-ն:

«Բորշչ» ռեստորանի դիմաց կազմակերպված ջերմ ակցիայի ընթացքում անցորդներին անվճար բաժանվում էր «Комсомольская правда в Армении» թերթի հավելվածը։ Իսկ յուրաքանչյուր կանգ առնող հյուրասիրվում էր «Բորշչ» ռեստորանի քաղցր ու համեղ նրբաբլիթներով, կանայք՝ նաեւ գարնանային ծաղիկներով։ Իսկ այս ամենի ֆոնին հնչող ռուսական երաժշտությունը ստեղծում էր իսկական տոնական տրամադրություն։

Անակնկալը ստացվեց: Տարբեր տարիքի անցորդներ զարմացած կանգ էին առնում, հետաքրքրվում՝ ինչ է կատարվում։ Իսկ խմբագրակազմը, պարզապես, շնորհակալություն էր հայտնում հավատարիմ ընթերցողներին, հյուրասիրում նրանց եւ ընդունում ի պատասխան շնորհավորանքները:

Շատերը պատմում էին, որ տարիներ շարունակ կարդում են թերթը, հիշում նրա ամենահետաքրքիր հրապարակումները եւ երկարակեցություն մաղթում: Իսկ ոմանք էլ վերցնում էին թերթը եւ կարճ ու կոնկրետ արձագանքում. «Շնորհակալություն, որ դեռ կա լավ լրագրություն»։

Նշենք, որ երկու տասնամյակ շարունակ «Комсомольская правда в Армении»-ն ամեն ուրբաթ իր ընթերցողներին ներկայացնում է ամենակարեւոր, ամենահետաքրքիր եւ երբեմն էլ ամենաքննարկվող թեմաները՝ քաղաքականությունից մինչեւ մշակույթ, հասարակությունից մինչեւ մարդկանց անձնական պատմություններ։ Եվ դատելով ակցիայի հանդեպ ցուցաբերած ջերմ արձագանքներից՝ կարելի է վստահ ասել․ «Комсомольская правда в Армении»-ի պատմությունը շարունակվում է։ Ընթերցողների հետ նման կենդանի հանդիպումները, թերեւս, դրա լավագույն ապացույցն են։ Այո՛, երկու տասնամյակ լինել հայկական մեդիա դաշտում՝ սա պարզապես թիվ չէ, սա վստահություն է, ռուսալեզու ընթերցողի հետ ձեւավորված անքաքտելի կապ եւ լրագրության հանդեպ հավատ։

ՀՐԱՆՏ ՍԱՐԱՖՅԱՆ

Այս թեմայով Երևանը պետք է ուշադիր մտածի նման ընտրության արժեքի մասին. Իրանցի միջազգայնագետը հայ-ռուսական հարաբերությունների մասին Օձին պետք է ջախջախես, նախքան նրա կծելը․ Իրանցի հայտնի միջազգայնագետը կիսում է ՀՀ-ում Իրանի դեսպանի մտահոգությունները «Զանգեզուրի միջանցք»-ի հարցն Այաթոլլա Խամենեիի վերահսկողության տակ է.Իրանցի միջազգայնագետ Սյունիքի շուրջ լարվածությունը սոսկ լոկալ միջադեպ չէ, այլ ավելի լայն աշխարհաքաղաքական խաղի մի մաս. Խայալ Մուազզին մանրամասներ է ներկայացնում Կենդանակերպի այս նշաններն իրենց կարիերայում նոր բարձունքների կհասնեն ապրիլին