Ավելի լավ կլինի, որևէ լիգայի միջոցով տեղափոխվել առաջատար առաջնություն. Սպերցյան

Հայաստանի հավաքականի եւ Ռուսաստանի չեմպիոն «Կրասնոդարի» ավագ Էդուարդ Սպերցյանը խոսել է անցած մրցաշրջանից հետո չկայացած տեղափոխությունների մասին։  Նրա ծառայություններով հետաքրքրված էին հոլանդական «Այաքսը», անգլիական «Լիդսը», իտալական եւ իսպանական ակումբներ։

«Չեմպիոնությունից հետո Եվրոպա տեղափոխվելու ցանկություն կար, բայց չստացվեց։ Կյանք է, ամեն ինչ նորմալ է։ Ես երջանիկ եմ «Կրասնոդարում», որն իմ տունն է։ Այո, չստացվեց մեկնել Եվրոպա, բայց դե ի՞նչ արած։ Բոլորը գիտեն, որ ես ցանկանում եմ իմ ուժերը փորձել Եվրոպայում։ Ձեռքերս ծալելու եւ նստելու մտադրություն չունեմ։ Այդպես միայն ավելի վատ կլինի:

Հիմա գործակալ չունեմ։ Եթե տեղափոխվեմ Եվրոպա, նախասիրություններս ըստ հերթականության՝ Իսպանիա, Իտալիա, Անգլիա՞։ Հավանաբար՝ այսպես։ Չեմ վախենում, բայց ավելի լավ կլինի որեւէ լիգայի միջոցով տեղափոխվել առաջատար առաջնություն։

«Կրասնոդարում» բոլորս ցանկանում եմ կրկնել անցած մրցաշրջանի հաջողությունը, բայց հասկանում ենք, որ ավելի բարդ կլինի։ Անում ենք հնարավոր ամեն ինչ եւ այդ հույսով հանդես ենք գալիս»,- Սպերցյանի խոսքը մեջբերում է sport-express.ru-ն։

Այս թեմայով Հայկական յուրահատուկ ներկայություն. «Ալ-Ահլիի» գրառումը Սպերցյանի մասին Հայտնի է, թե ինչու է մեկնարկային կազմից դուրս մնացել Սպերցյանը Մարզաշապիկի գույնը կապ չունի, խաղում ենք մեր երկրի համար. Սպերցյան Հայաստանի հսկայական տաղանդ ունեցող ֆուտբոլիստը. Սպերցյանը` Պրո լիգայի գլխավոր նորեկներից մեկը «Ալ Ահլի» նոր մարզիչը լավ գիտի Սպերցյանին, ամեն ինչ լավ կստացվի. Մուսաև