«Ժողովուրդ». ԿԳ նախկին նախարարն ու նրագործարար եղբայրը չեն շփվում, բայց միասին կբռնագանձվեն

«Ժողովուրդ» օրաթերթը գրում է. «Մինչ իշխանական պատգամավորները ԱԺ ամբիոնից հայտարարում էին, թե նախկին նախարարը «թալանել է», դատարանը դեռ պետք է պարզի՝ 26 անշարժ գույքից որը ումն է, ըստ այդմ՝ արձանագրի «թալանի» մասշտաբները։

«Ժողովուրդ» օրաթերթի բացառիկ տեղեկություններով՝ ԿԳ նախկին նախարար Լևոն Մկրտչյանն ու նրա եղբայրը՝ գործարար Վահագն Մկրտչյանը, տարիներ շարունակ լարված հարաբերությունների մեջ են և անգամ չեն շփվում միմյանց հետ։ Այդ ֆոնին խիստ ուշագրավ է, որ Գլխավոր դատախազության ներկայացրած հայցում խոսքը գնում է Լևոն Մկրտչյանից և նրան փոխկապակցված անձանցից ինչ-որ գույքեր բռնագանձելու մասին՝ ներառելով լայնածավալ գույք։

• 26 անշարժ գույք,
• 7 տրանսպորտային միջոց,
• 5 իրավաբանական անձանցում մասնակցություն,
• 893 մլն 449 հազար դրամ,
• ևս 276 մլն 106 հազար դրամ՝ որպես չհիմնավորված և ենթադրաբար ապօրինի ծագում ունեցող միջոցներ։

«Ժողովուրդ»-ը տեղեկացավ, որ Լևոն Մկրտչյանը հայտարարել է՝ «իրավասու մարմինն անգամ չի կողմնորոշվել՝ իրենից կոնկրետ ինչ է պահանջում»։ Նրա խոսքով՝ 2025-ի դեկտեմբերին մեկ թիվ է նշվել, 2026-ի հունվարին դատարան է ներկայացվել տասնապատիկ պահանջ, իսկ մարտի 2-ի հաղորդագրությունում արդեն բոլորովին այլ գումար է հրապարակվել։

Նա պնդում է, որ պահանջվող գույքերի գերակշիռ մասը պատկանում է իր եղբորը և նրա ընտանիքին, որոնք բիզնեսով զբաղվել են դեռ 1990-ականներից։

Այս փուլում առանցքային հարցը հետևյալն է․ ո՞ր գույքն է անձամբ Լևոն Մկրտչյանին պատկանում, և ո՞րը՝ նրա եղբորն ու ընտանիքի անդամներին։

Մինչ դատարանը չի տարանջատել սեփականության շրջանակը և չի գնահատել ապօրինի ծագման հիմնավորվածությունը, քաղաքական ամբիոնից հնչող մեղադրական հայտարարությունները հակասում են անմեղության կանխավարկածի սկզբունքին։ Բռնագանձման այս աղմկոտ գործը, փաստորեն, մտնում է մի փուլ, որտեղ ոչ միայն թվերն են կարևոր, այլև դրանց իրավական ճշգրտությունը»։

Առավել մանրամասն թերթի այսօրվա համարում

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՌԴ Պետդումայի ընտրություններում անակնկալներ չեն լինելու. «Եդինայա Ռոսսիան» մնում է առաջատար Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար