«ԱՅՍ ԱՌԱՋՆՈՒԹՅՈՒՆԸ ՏԱՐՎԱ ԱՌԱՋԻՆ ՍՏՈՒԳԱՏԵՍՆ ԷՐ». ԱԶԱՏ ՈՃԻ ԸՄԲԻՇ, ՄԵԾԱՀԱՍԱԿՆԵՐԻ ԵՎՐՈՊԱՅԻ ԲՐՈՆԶԵ ՄԵԴԱԼԱԿԻՐ ՄԱՆՎԵԼ ԽՆՁՐՑՅԱՆ

Վերջերս Էստոնիայի մայրաքաղաք Տալլինում կայացել է Քրիստիան Պալուսալուի անվան ըմբշամարտի 37-րդ հուշամրցաշարը։

Iravunk. com -ի մարզական լրագրողը զրուցել է ոսկե մեդալակիր, մեծահասակների Եվրոպայի բրոնզե մեդալակիր, ծնունդով Շիրակի մարզի Ազատան գյուղից ՄԱՆՎԵԼ ԽՆՁՐՑՅԱՆԻ հետ։

-Նա այսպես մեկնաբանեց իր հաղթանակը.

- Հանդես եկա 61 կգ քաշային կարգում։ Մեկնարկային գոտեմարտում հաղթեցի մեր հայրենակցին 6։4 հաշվով։ Ապա պարտության եմ մատնել Էստոնիայի, Լեհաստանի ու Լատվիայի ներկայացուցիչներին, բացարձակ առավելությամբ 10։0 հաշվով ։Մի փոքր դժվար անցավ առաջին գոտեմարտը։ Այս առաջնությունը տարվա առաջին ստուգատեսն էր ապրիլ ամսին Ալբանիայի մայրաքաղաք Տիրանայում կայանալիք Եվրոպայի առաջնությունից առաջ, որին այժմ պատրաստվում ենք։

- Մանվել, որևէ հիշարժան հաղթանակի մասին կարող ես պատմել։

- 2022 թվականի մարտին Բուդապեշտում ընթացող մեծահասակների Եվրոպայի առաջնությանը, քառորդ եզրափակչում կամային հաղթանակ տարա թուրք Մուհամեդ Կարավուսի հանդեպ։ 0։4 հաշվով պարտվում էի նրան, սակայն կարողացա բեկել գոտեմարտի ընթացքն ու հաղթեցի 14։4 հաշվով։ Այս հաղթանակը երբեք չեմ կարող մոռանալ։

- Շնորհակալություն, Մանվել, հաճելի զրույցի համար։

- Ես էլ շատ շնորհակալ եմ ուշադրության համար։ Անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի