Կարեն Ջալավյանը (Քյոխ) դատական հայց է ներկայացրել ընդդեմ Ռոման Բաղդասարյանի

Փետրվարի 26-ին Երևանի առաջին ատյանի քաղաքացիական դատարանում հայց է ստացվել պատիվն ու արժանապատվությունը արատավորող տեղեկության հերքման պահանջով։ Iravaban.net-ը տեղեկանում է Դատալեքս համակարգից։

Ներկայացվող հայցապահանջը

Հայցվոր Կարեն Ջալավյանը հայցապահանջով խնդրում է՝

1. Պարտավորեցնել Ռոման Վալերիի Բաղդասարյանին հրապարակայնորեն հերքել «facebook.com» սոցիալական կայքի իրեն պատկանող էջերում՝ Roman Bagdasaryan (https://www.facebook.com/roman.bagdasaryan.184) և Роман Багдасарян (https://www.facebook.com/roman.bagdasaran.640220) Կարեն Ջալավյանի (Քյոխի) պատիվն ու արժանապատվությունը արատավորող տեղեկությունները՝ «Հերքում՝ Կարեն Ջալավյանի (Քյոխի) հասցեին կատարված զրպարտություն հանդիսացող տեղեկությունների վերաբերյալ» վերնագրով հանրամատչելի և բոլորին տեսանելի տեսաուղերձ և գրավոր տեքստ հրապարակելով (որը պահպանվում է իր ֆեյսբուքյան էջերում անժամկետ)՝ նշելով հետևյալը. «Ես՝ Ռոման Բաղդասարյանս, հրապարակային հայտարարում եմ, որ 2026 թվականի փետրվարի 5-ին «facebook.com» սոցիալական կայքի էջերումս հայտնած այն տեղեկությունները, թե Կարեն Ջալավյանը (Քյոխը) գողացել է զինվորներից սնունդը և նրանց առանց ջրի պահել, Եղնիկներում ծաղրել և նվաստացրել է մեր զինվորներին, սովի է մատնել, ինչպես նաև Քյոխը մարդ է, որը միշտ ատել է Հայաստանից եկած զինվորներին, բացահայտ սուտ են և չեն համապատասխանում իրականությանը: Այս հայտարարությամբ հերքում եմ իմ կողմից ներկայացված վերը հիշատակված զրպարտչական տեղեկությունները:»:

2. Ռոման Վալերիի Բաղդասարյանից հօգուտ Կարեն Աղասիի Ջալավյանի բռնագանձել 500.000 (հինգ հարյուր հազար) ՀՀ դրամ՝ որպես զրպարտության համար փոխհատուցում։3. Լուծել դատական ծախսերի հարցը:

Գործի ընթացքը

Գործը նույն օրը՝ փետրվարի 26-ին մակագրվել է դատավոր Թաթուլ Ղուկասյանին։ Վարույթ ընդունելու և նախնական դատական նիստեր նշանակելու մասին տեղեկություն Դատալեքս դատական տեղեկատվական համակարգում դեռևս առկա չէ։

Այս թեմայով Գեւորգ Սուջյանը նորություն ունի Լրբերը սրբեր են դառել, զինվորականներին գնահատական են տալիս այնպիսի մարդիկ… Քյոխ Գագիկ Ղազինյանը հայց է ներկայացրել ԵՊՀ-ի դեմ Հուսիթները ներկայացրել են սաուդյան F-15 կործանիչի ոչնչացնելու փաստեր Նախկին վարչապետի ընտանիքը սգում է