Իրենք խնդիրը սարքել են քաղաքացիների գլխին, հետո էլ իբր լուծում են. Գեւորգ Ստեփանյան

«Վեոլիա Ջուր»-ի հետ կապված աղմուկը՝ 2026 թվականի ջրամատակարարման ժամանակացույցի վերաբերյալ, մեծ արձագանք ստացավ հասարակության եւ քաղաքական դաշտում: Նախ հայտարարվեց, որ լինելու է ջրամատակարարման ժամանակացույց, այսինքն՝ ջուր լինելու է ոչ թե 24 ժամ, այլ` հստակ անջատումներով, այնուհետ կառավարության, իբրեւ թե, ջանքերի շնորհիվ այն շտկվեց եւ մնաց ինչպես որ կար: Հարց է ծագում՝ սա իրականում իշխանության կողմից՝ նախընտրական շրջանում առեւտո՞ւր էր, թե՞ վատ փիառ: «Իրավունք»-ը այս հարցի շուրջ զրուցել է Երեւանի ավագանու «Մայր Հայաստան» խմբակցության անդամ ԳԵՎՈՐԳ ՍՏԵՓԱՆՅԱՆԻ հետ:

— Իրականում ի՞նչ եղավ. մեկ ասացին թե ջրամատակարարումը այսուհետ լինելու է ժամանակացույցով, սակայն, իբրեւ թե, քաղաքացիների բողոքին ընդառաջ գնալով՝ այն, շտկվեց կառավարության կողմից եւ մնալու է այնպես ինչպես, որ եղել է: Սա ինչպե՞ս կմեկնաբանեք:

— Նախ եկեք սկզբից գանք: Ոչ մի բան էլ չի լուծվել: Իրենք այդ խնդրին տեղային լուծում են տվել: Իսկ թե խնդիրն ինչու է ծագել, շատ պարզ է, որովհետեւ նույն այդ ժամանակավոր կառավարությունը, որ իբրեւ օգնեց այս հարցը լուծել, հենց իրենց շնորհիվ ունենք Երեւանի քաղաքապետարանում ոչ լեգիտիմ ՔՊ-ական իշխանություն, որոնք աջ ու ձախ Երեւանում բաժանեցին նորակառույց եւ բազմաբնակ շենքերի շինթույլտվություններ:

Մենք ժամանակին ասում էինք, որ ո՛չ ջուրը, ո՛չ հոսանքը, ո՛չ գազը չի բավականացնելու, մեզ հակառակն էին ասում: Հիմա «Վեոլիա Ջուր» ընկերությունը հայտարարում է, որ չի բավականացնելու ջուրը, քանի որ ավելացել են շենքեր, եւ մեր քաղաքը ի վիճակի չէր այդքան բաժանորդի սպասարկել: Նրանք տեղային լուծում տվեցին` հասկանալով, որ ժողովուրդը միահամուռ  համախմբվեց: Նրանք էլ մտածեցին, լավ, ընտրությունների նախաշեմին է, թող մի 4 ամիս խաբենք, որից հետո նորից կանեն իրենց ուզածը: Իրենք խնդիրը սարքել են քաղաքացիների գլխին, հետո էլ իբր լուծում են:

— Ստացվում է, որ տրանսպորտի թանկացման ժամանակ, ժողովուրդն ու ընդդիմությունն այսպիսի բունտ չարեցի՞ն, դրա համա՞ր տրանսպորտը թանկացավ:

— Ընդդիմությունն իր գործն արեց, քաղաքացիներն էլ լսեցին մեզ: Վստահեցնում եմ, բոյկոտը շարունակվում է, եւ դրա վառ օրինակն այն է. որ անցյալ տարվա վերջ կառավարությունը 3 ու կես միլիարդ դրամ տվեց Տիգրան Ավինյանին, որ կարողանա քաղաքապետարանի ճեղքը փակել: Իսկ ճեղքը առաջացել էր քաղաքացիների չվճարելու արդյունքում:

— Այս «Վեոլիա Ջրի» հետ կապված պատմությունը եւ թոշակների 10 հազար դրամով բարձրացումը կարո՞ղ ենք որակել քաղաքական առեւտուր:

— Միանշանակ: Իրենք իրենց հարցը սարքեցին, հետո իրենք իրենց հերթ չտալով՝ գոռոմ էին, թե կառավարությունը հարցը լուծեց: Պատկերացրեք այդ ճղճիմ քայլերը:

Ինչ վերաբերում է թոշակներին, ասեմ. նրանք 10 հազար դրամով բարձրացրին այն թոշակառուների թոշակը, ովքեր տրոլեյբուս էին նստում 50 դրամով, իսկ հիմա ստիպված են վճարել 150 դրամ: Էլ չխոսեմ մթերքից, որ ամեն բան եռակի թանկացել է: Այսինքն, այս նախըտրական շրջանում, ինչ ասես քաղաքացիներին խոսք են տալու, հետո՝ հունիսի 8-ից, Աստված չտա, որ անցնի ՔՊ-ն, նորից քաղաքացիների գլխին այնպիսի օյին են բերելու, որ մարդիկ «շշկռեն»: Բայց վստահ եմ, որ բոլորն էլ լավ հասկանում եմ, թե ինչ է կատարվում: Ուղղակի այդ 10 հազար դրամը մի տեսակ սիմվոլի՞կ է դարձել: Ինչու հենց 10 հազար դրամ:

— Պարոն Ստեփանյան, եւ ի՞նչ է դա նշանակում:

— Դե իրենք էին ժամանակին գոռում, թե իբր 10 հազար դրամ է մարդկանց բաժանվում, որ ընտրեն այս կամ այն թեկնածուին եւ այլն: Ու, փաստորեն, այդ 10 հազար դրամն ուժի մեջ է:

ՆԱՆԱ ՍԱՐԳՍՅԱՆ

Այս թեմայով «30 տարի այդտեղ ապրել են, հիմա որոշել են քանդել». 11-հոգանոց ընտանիքը մնացել է դրսում. Ստեփանյան Մեր քաղաքացիներն արդեն էլ ոչ մի բանի չեն հավատում. սա շատ վատ տեղ է տանելու Հայաստանին. Ստեփանյան Սկսեցին խոսել «արա»-ով, «բոմժեր կբոմժացնենք»-ով, «բոքսի տանձիկ կսարքենք»-ով․ Ստեփանյան ՇՏԱՊ. Գեւորգ Սուջյանը դատարան է դիմել «Հրապարակ». Գեւորգ Փարսյանը ընտրություններից հետո մեկուսացել է, գրեթե չի շփվում ոչ մեկի հետ