Փորձում են Հայ Առաքելական եկեղեցին բաժանել ազդեցության խմբերի. Աստվածաբանը՝ Սինոդական կառույց ստեղծելու հետեւանքների մասին

Պոլսո Հայոց պատրիարք Սահակ արքեպիսկոպոս Մաշալյանն առաջարկել է սինոդական կառույց ստեղծել՝ որպես իշխանություն-եկեղեցի հարաբերություններում ճգնաժամից ելք։ Այս հայտարարությունը նա արել է Վիեննայում գումարված Եպիսկոպոսական հավաքի բացման նիստի իր ուղերձում:

Անդրադառնալով վերը նշվածին, աստվածաբան, փիլիսոփա Վարդան Խաչատրյանն «Իրավունք»-ի հետ զրույցում նախ մանրամասնեց, թե ինչ կառույց է առաջարկում Պոլսո Հայոց պատրիարք Սահակ արքեպիսկոպոս Մաշալյանը․

-Սինոդական կառույցը մի քանի անձից կազմված կառույց է, որը ղեկավարում է եկեղեցին։ Այսպիսի կառույց, կրոնագետի խոսքով, կան բողոքական եկեղեցիներում՝ դանիական, լյութերական։ Մեր եկեղեցին անհիշելի ժամանակներից միաբևեռ կառույց է, համանման փոփոխությունն արմատապես փոխելու է եկեղեցու ստրուկտուրան, եկեղեցու հարաբերությունները, նրա միաբևեռությունը ու համայն հայ ժողովրդի ինքնության  պահպանման խնդիրները։ Սինոդական կառույց ստեղծելու առաջարկը նախ չունի իր իրակացման դաշտը, որովհետեւ Կաթողիկոսը կա, նա գործում է։ Սինոդը դա, փաստորեն բազմագլուխ եկեղեցի ձեւավորելու տրանսֆորմացիան է այստեղ դիտարկվում, ըստ էության փորձում են Հայ Առաքելական եկեղեցին բաժանել ազդեցության խմբերի։  Ըստ էության Սահակ արքեպիսկոպոս Մաշալյանի այս առաջարկը նշանակում է եկեղեցու տրանսֆորմացիա։ Բոլոր նրանք, ովքեր պայքարում են, որ եկեղեցին տրանսֆորմացվի, որ կարելի է Վեհափառ Հայրապետին հանել ու նոր Վեհափառ ընտրել, ուղղակի չեն պատկերացնում պրոցեսի խորությունը, որը կարող է ծանրագույն վնաս հասցնել հայ ժողովրդին, տարանջատել նրա եկեղեցին։ Այսպես ասենք՝ 1700 տարվա եկող կենդանի հոսքը շատ լուրջ արմատական փոփոխությունների ենթարկելու դեպքում կարող ենք ծանրագույն կորուստներ ունենալ, հատկապե սփյուռքի բաժնում։ 

Վստահ եմ, որ նման փոփոխություններ տեղի չեն ունենա, որ Հայ առաքելական սուրբ եկեղեցին անսասան կմնա։ Եթե դրանք տեղի ունեցան, իրենց հետ բերելու են բազմաբնույթ այլ փոփոխություններ, որոնց նույնիսկ մանրամասն նկարագիրը այդ մարդիկ չեն կարողանա տալ, եթե հարցնես՝ ինչպիսի՞ մարտահրավերներ են բերելու իրենց հետ այդ տրանսֆորմացիաները, որևէ լուրջ բացատրություն չեն կարողանալու տալ։ Երբ վերանայում ես 1700-ամյա կառույցի ստրուկտուրան, նշանակում է, որ տեղի են ունենալու արմատական փոփոխություններ  հարաբերությունների մեջ, առավել ևս, երբ եկեղեցին համաշխարհային կառույց է, սփռված է աշխարհով մեկ, հետևաբար, յուրաքանչյուրն առանձին շահեր է ի վիճակի լինելու սպասարկել ներսում

-Պարոն Խաչատրյան, հետադարձ նետելով պատմության խորքը, մենք հիշում ենք, որ ժամանակին սինոդ ունենալու գաղափարի գլխավոր ջատագովը եղել Կ․ Պոլսի Հայոց պատրիարք Զաքարիա Կաղզվանցին, որն իրեն էր համարում կաթողիկոս դառնալուն արժանի՝ արդյունավորությամբ և արժանիքներով իրեն վեր դասելով Մայր Աթոռի բոլոր եպիսկոպոսներից։ Արդյո՞ք պատահական է, որ նման առաջարկով այսօր էլ հանդես են գալիս Պոլսից։

-Զերծ մնաց մեկնաբանելուց, որովհետեւ Պոլսում դա կարող է բազմաթիվ ենթադրությունների տեղիք տալ։ Ուղղակի նշում եմ, որ այդպիսի կառույցը ուժերի տարաբաշխման, ուժերի փոշիացման, հայ ժողովրդի ընդհանրական շահերի սպասարկմանը կարող է լուրջ խոտորնակ հանդիսանալ։

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՌԴ Պետդումայի ընտրություններում անակնկալներ չեն լինելու. «Եդինայա Ռոսսիան» մնում է առաջատար ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն