«Ինտերում» մտափոխվե՞լ են.Մխիթարյանը կարող է լքել ակումբը այս ամռանը

Իտալական Ա Սերիայի առաջատար Միլանի «Ինտերի» կիսապաշտպան Հենրիխ Մխիթարյանը մրցաշրջանի ավարտին կարող է հրաժեշտ տալ ակումբին։ Մինչ այս իտալական պարբերականները հղում անելով սեփական աղբյուրներին պնդում էինզ որ հայ ֆուտբոլիստին կառաջարկվի մեկ տարվա պայմանագիր արդեն նոր պայմաններով։ Սակայնզ հավանականությունը մեծ է, որ  Մխիթարյանը հիմնական կազմի մի քանի ֆուտբոլիստների հետ կավարտի ելույթները միլանյան թիմում։ Մասնավորապես, Էնդի Դիուֆը և Դավիդե Ֆրատեզին ավելի մոտ են հեռանալուն, քան մնալուն։ Մեծ հարցականի տակ է նաև Նիկոլո Բարելայի ապագան։

Ըստ Gazzetta dello Sport-ի և FCInterNews-ի՝ «Սան Սիրոյի» ղեկավարությունն արդեն որոշել է չերկարաձգել Ֆրանչեսկո Աչերբիի, Մատեո Դարմիանի և Ստեֆան դե Վրեյի պայմանագրերը։ Պաշտպանությունից կարող է հեռանալ նաև Դենզել Դումֆրիսը։

Փոփոխություններ կլինեն նաև դարպասային գծում. Յան Սոմերի կարիերան Ա Սերիայում մոտենում է տրամաբանական ավարտին, իսկ «Ինտերն» արդեն իսկ գտել է նոր թեկնածու ի դեմս «Ռոմայի» դարպասապահ Միլե Սվիլարի։

​Մարկուս Թյուրամը նույնպես կարող է հավաքել ճամպրուկները։ Պատճառն այն է, որ Կրիստիան Կիվուն «Ինտերի» մեծահասակների թիմում հնարավորություն է տվել պատանի Ֆրանչեսկո Պիո Էսպոզիտոյին, ով իր փայլուն խաղով շատ արագ ստվերում է թողել ֆրանսիացի հարձակվողին։