Ռուսաստանում ընդհանուր առմամբ մոտ 1 մլն ապօրինի ներգաղթյալ կա. Միշուստին

ՌԴ կառավարության ղակավար Միխայիլ Միշուստինը հայտնել է, որ 2025 թվականին Ռուսաստանից արտաքսվել է երկրում անօրինական գտնվող 72 հազար օտարերկրացի։ Այս մասին հայտնում է «Կոմերսանտ» պարբերականը։

Այս հայտարարությունը հնչել է Պետդումայում կառավարության 2025 թվականի գործունեության ամփոփիչ հաշվետվության ներկայացման ժամանակ։ Վարչապետի գնահատականներով՝ փետրվարի սկզբի դրությամբ Ռուսաստանի Դաշնությունում անօրինական ներգաղթյալների ընդհանուր թիվը կազմում է շուրջ 840 հազար մարդ։

Միխայիլ Միշուստինը հիշեցրել է, որ կառավարությունը գործարկել է վերահսկվող անձանց ռեեստրը: «Նրանց համար սահմանափակվել են որոշակի հնարավորություններ՝ տեղաշարժը, գործարքները, տրանսպորտային միջոցների վարումը, ամուսնությունը, բանկային ծառայությունները», — հստակեցրել է պարոն Միշուստինը:

Միխայիլ Միշուստինը նաև հայտնել է, որ 9,5 միլիոն օտարերկրացի արդեն հանձնել է կենսաչափական տվյալներ: Նա պատմել է «օտարերկրյա աշխատողների նպատակային կազմակերպված հավաքագրման» մեխանիզմի մասին. գործընթացը նախատեսելու է մատնադրոշմման պարտադիր ընթացակարգ, քննության անցկացում և բժշկական զննություն: Ռուսաստանի վարչապետը հավելել է, որ հավաքագրումը, հնարավորության դեպքում, կիրականացվի օտարերկրյա աշխատողի բնակության երկրում:

Այս թեմայով Անցնող տարին ճանապարհում ենք առանցքային ցուցանիշներով արժանի արդյունքներով.Միշուստին Ալթայում տեղի է ունեցել Միշուստինի և Փաշինյանի հանդիպումը Միխայիլ Միշուստինն ԱՊՀ գործընկերներին առաջարկել է միանալ Եվրասիական տնտեսական միությունում ընդունված միասնական մաքսային տարանցիկ համակարգ Միշուստինը հայտնել է, թե ինչու է ձեռնտու լինել ԱՊՀ կազմում ԱՊՀ երկրների ապրանքաշրջանառությունը երեք եռամսյակում աճել է ավելի քան 11%-ով. Միշուստին