Մայիսի 1-ից Երևանը և մարզերը ժամանակավորապես կանցնեն 17-ժամյա ջրամատակարարման ռեժիմի

Երևանում և մարզերում մայիսի 1-ից սահմանվելու է ջրամատակարարման 17-ժամյա ռեժիմ, հայտնում է «Վեոլիա Ջուր» ՓԲԸ-ն։

«Սահմանափակումները կվերաբերեն մայրաքաղաքի բոլոր 12 վարչական շրջանների՝ Կենտրոնի, Արաբկիրի, Աջափնյակի, Մալաթիա-Սեբաստիայի, Քանաքեռ-Զեյթունի, Նոր Նորքի, Նորք Մարաշի, Նուբարաշենի, Դավթաշենի, Ավանի, Էրեբունու և Շենգավիթի բազմաթիվ հասցեների»,- նշված է ընկերության 2026 թ.-ի գրաֆիկում:

«Վեոլիա Ջուր»-ից տեղեկացրել են, որ մայիսի 1-ից սեպտեմբերի 16-ը ջուրը կմատակարարվի ժամը 07:00-ից մինչև 24:00-ն (օրական 17 ժամ):

Տարվա մնացած ժամանակահատվածում՝ հունվարի 1-ից մայիսի 1-ը և սեպտեմբերի 16-ից հունվարի 1-ը, ջրամատակարարումը նախատեսված է շուրջօրյա ռեժիմով»,- հայտնել են ընկերությունից։

Գերատեսչությունից հայտնել են նաև, որ անջատումների ժամանակացույցի վերաբերյալ հավելյալ տեղեկատվություն կարելի է ստանալ համապատասխան հարթակների և ընկերության կայքի միջոցով։

Այս թեմայով Վթարային ջրանջատում Աբովյան քաղաքում Վթարային ջրանջատում Երևանի Արաբկիր վարչական շրջանում ՊՈՄՊԵՐԸ ԴԱՆԴԱՂԵՑՆՈՒՄ ԵՆ ՊՏՈՒՅՏՆԵՐԸ Նիկոլի այցն Ախալքալաքում ո՛չ ջրամատակարարման հարց է լուծել, ո՛չ էլ ճանապարհների խնդիր «ԱՐԱՐԱՏՅԱՆ» ՊՈՄՊԱԿԱՅԱՆԸ ՆՈՐԻՑ ԳՈՐԾՈՒՄ Է