Նկատողություն, ծեծ, հայհոյանք․ ի՞նչ է կատարվել Արսինե Նավասարդյանի որդուն սպանելուց առաջ

Armlur.am-ը գրում է․

Փետրվարի 16-ին Զովունիում հայտնի դերասանուհի Արսինե Նավասարդյանի որդու սպանության դեպքից մանրամասներ են հայտնի դարձել։

Մասնավորապես, դերասանուհու որդու դեպքը սկսել է չնչին նկատողությունից։

Դերասանուհու որդին՝ Ռուբենը, մի քանի ընկերների հետ գնացել է Զովունիում գտնվող սննդի կետ ընդմիջման, որտեղ նկատել են, որ սննդի կետում գտնվող անձանցից մեկը մի տարեց տղամարդու ծաղրանքի է ենթարկում։

Նկատողություն են արել թե, ինչո՞ւ եք նման կերպ խոսում տղամարդու հետ, ինչից սկսվել է թեժ լեզվակռիվ, հայհոյանքներ, որից հետո ծեծի են ենթարկում Արմեն Զաքարյանին։ Արդյունքում Զաքարյանը վերցնում է զենքն ու իրեն ծեծի ենթարկող անձանց փորձում սաստել, և հնչում է կրակոց։

«Սայգա» տեսակի որսորդական ակոսափող հրազենից վիրավորում է ստանում դերասանուհու որդին՝ Ռուբենը։ Պարզվում է, որ Ռուբեն Գ.-ին կրակել է Զովունի գյուղի բնակիչ՝ 45-ամյա Արմեն Զաքարյանը, ով փորձել էր փախուստի դիմել, սակայն կարճ ժամանակ անց Նաիրիի ոստիկանության բաժնի ծառայողները նրան հայտնաբերել էին Զովունի գյուղի 11-րդ փողոցի շենքերից մեկի հարակից տարածքում։ Նա ձերբակալվել էր ծանր մարմնական վնասվածք պատճառելու անմիջականորեն ծագած հիմնավոր կասկածի հիմքով և տեղափոխվել Նաիրիի ոստիկանության բաժին, ապա ներկայացվել Նաիրիի քննչական բաժին։

Հանցագործությունը նա կատարել էր իր անվամբ հաշվառված «Սայգա» տեսակի որսորդական ակոսափող հրազենից։ Դեպքից երեք օր անց՝ փետրվարի 19-ին, «Արմենիա» բժշկական կենտրոնի վերակենդանացման բաժանմունքում, գիտակցության չգալով, 31-ամյա Ռուբեն Գ.-ն մահացավ։ Արմեն Զաքարյանը կալանավորված է, նախաքննությունը շարունակվում է։

https://youtu.be/-2sSJDt97NY?si=U6N0n3BNdh490s3q

Այս թեմայով Չեմ կարծում՝ աղետ է սպասվում, եթե ընտրությունների արդյունքներն այլ լինեն, քան ենթադրում է պարոն Փաշինյանը. Նավասարդյան Ինչն է եղել դերասանուհի Արսինե Նավասարդյանի որդուն կրակելու պատճառը, որի հետևանքով նա հեռացավ կյանքից․ մանրամասներ Հայկ Նահապետի արձանի հարակից տարածքում նշվեց Նավասարդի տոնը GALLUP-ը հուշում է, որ քարոզարշավը տապալել են բոլոր թեկնածուները Սերժ Թանկյան եւ Արսինե Խանջյան, ո՞ւր եք, լա՞վ եք ձեզ զգում. Խորեն Մարդոյան