Մահացել է ՀՀ ժողովրդական արտիստ Օլգա Գաբայանը
Մշակութային
Կյանքից հեռացել է Երևանի Կոմիտասի անվան պետական կոնսերվատորիայի մեծարելի խորհրդանիշը՝ Ակադեմիական երգեցողության ամբիոնի պրոֆեսոր, ՀՀ ժողովրդական արտիստ ՕԼԳԱ ԱԼԵՔՍԱՆԴՐԻ ԳԱԲԱՅԱՆԸ։
Նա հայ օպերային արվեստի բարձունքը գագաթում անփոխարինելի պահող մարմնացում էր։ Բեմական կյանքին զուգահեռ ու հատկապես դրանից հետո Օլգա Գաբայանի տաղանդն արտահայտվել է մանկավարժական գործում։ Երևանյան կոնսերվատորիայում տասնյակ տարիների նվիրումը նրա համար ապրեցնող ուժ էր, իսկ սաների հաջողությունները մասնագիտական աշխատանքի, վեհանձն «Գաբայանական դպրոցի» ամենախոսուն վկայությունն էր։
«Հարազատ ամբիոնում առանձնահատուկ էր սերն ու հարգանքը այսպիսի ավագի հանդեպ․ օրեր առաջ՝ փետրվարի 16-ին Ակադեմիական երգեցողություն ամբիոնի լավագույնների հաշվետու համերգը նվիրված էր սիրելի Ուսուցչին, հոբելյանի առթիվ նրան էր շնորհել կոնսերվատորիայի պատվավոր մեդալը։ Իր ծննդյան օրը նա վերջին անգամ էր ոտք դնելու հարազատ դասարան․․․
Մեր խորին ցավակցությունն ենք հայտնում Օլգա Գաբայանի հարազատներին, բոլոր տարիների սաներին, գործընկերներին ու արվեստի երկրպագուներին։
Սիրելի Օլգա Գաբայանի հրաժեշտի, հուղարկավորության մասին կտեղեկացնենք լրացուցիչ», - ասված է Երևանի Կոմիտասի անվան պետական կոնսերվատորիայի հրապարակած հայտարարության մեջ:
1
12549 դիտում
2
2967 դիտում
3
2294 դիտում
4
1841 դիտում
5
1683 դիտում
