Իսլանդիան կարող է արագացված կարգով վերականգնել ԵՄ անդամակցության գործընթացը

Իսլանդիան մտադիր է հնարավորինս արագ վերականգնել Եվրոպական միությանը միանալու գործընթացը և արդեն մինչև 2027 թվականը անցկացնել համապատասխան հանրաքվե։ Այս մասին գրում է Politico-ն՝ նշելով, որ երկրի խորհրդարանը առաջիկա շաբաթներին կարող է հայտարարել համաժողովրդական քվեարկության ամսաթիվը։

Եվրոպացի բարձրաստիճան պաշտոնյայի խոսքով՝ իրավական առումով գործընթացը կարող է լինել համեմատաբար պարզ և նույնիսկ մեկ տարվա ընթացքում արդյունք տալ։ Եթե հանրաքվեն դրական ավարտ ունենա, Իսլանդիան կարող է արագացված ընթացակարգով անդամակցել ԵՄ-ին՝ առաջ անցնելով մի շարք այլ թեկնածու երկրներից։ Սակայն Բրյուսելի և Ռեյկյավիկի միջև շարունակում են մնալ տարաձայնություններ, մասնավորապես՝ ձկնորսության իրավունքների հարցում, որն առանցքային նշանակություն ունի երկրի տնտեսության համար։

Իսլանդիան առաջին անգամ դիմել էր ԵՄ անդամակցության համար 2009 թվականին՝ համաշխարհային ֆինանսական ճգնաժամից հետո, սակայն 2015-ին պաշտոնապես հետ էր կանչել իր դիմումը։ Միևնույն ժամանակ, Politico-ի հարցման համաձայն, երկիրը հայտնվել է նաև ԱՄՆ նախագահ Դոնալդ Թրամփի ընտրողների կողմից նշված «թիրախ երկրների» ցանկում, որոնց նկատմամբ ռազմական գործողությունների գաղափարը, ըստ տվյալների, աջակցում է նրա կողմնակիցների մոտ երկու երրորդը։

Այս թեմայով Կոնֆերենցիաների լիգա. «Նոա»- «Վիկինգուր», օրվա այլ հանդիպումներ ԱԱ-2018. Արգենտինա-Իսլանդիա՝ ՈՒՂԻՂ Պանամական փաստաթղթերի պատճառով վարչապետն արժանացավ ԴԱՀԿ-ի նախկին պետի ճակատագրին