«Էփշտեյնի իրավահաջորդները մինչև 35 միլիոն դոլար կվճարեն ֆինանսիստի կողմից տուժած կանանց»․Bloomberg

Ֆինանսիստ Ջեֆրի Էփշտեյնի իրավահաջորդները համաձայնել են մինչև 35 միլիոն դոլար փոխհատուցում վճարել նրան սեռական ոտնձգության մեջ մեղադրող կանանց։ Այս մասին հայտնում է Bloomberg-ը։

Լրատվամիջոցի տվյալներով՝ ֆինանսիստի իրավահաջորդները՝ Դարեն Ինդայքը և Ռիչարդ Կանը, համաձայնվել են գործարքի գնալ՝ «վերջնականապես և ընդմիշտ լուծելու, չեղարկելու և փակելու» մի խումբ կանանց հայցերը, որոնք պնդում են, որ 1995 թվականից մինչև 2019 թվականի օգոստոսի 10-ը ֆինանսիստի կողմից սեռական բռնության կամ թրաֆիքինգի են ենթարկվել։

Նշվում է, որ համաձայնագիրը նախատեսում է 35 միլիոն դոլար վճարել, եթե տուժածների թիվը գերազանցի 40-ը, կամ 25 միլիոն դոլար՝ եթե նրանց թիվն ավելի քիչ լինի։ Սակայն, նախքան ծրագիրը ուժի մեջ մտնելը, այն պետք է հաստատվի Նյու Յորքի դաշնային դատավորի կողմից։

Նշվում է, որ Ինդայքի և Կանի դեմ դատական ​​​​հայց է ներկայացվել է 2024 թվականին: Երկուսն էլ Էփշտեյնի հետ աշխատել են երկար տարիներ՝ մեկը որպես փաստաբան, մյուսը՝ որպես հաշվապահ: Այնուամենայնիվ, նրանց մեղադրանք չի առաջադրվել բռնություն գործադրելու կամ հանցագործություններին ականատես լինելու համար:

Այս թեմայով Իրանը քննարկում է Միջուկային զենքի չտարածման մասին համաձայնագրից դուրս գալու հարցը Մակրոնը ցանկանում է Ռուսաստանի հետ երկխոսության մեջ դառնալ Եվրոպայի բանակցողը Դեմոկրատները մտադիր են վերանայել Թրամփի 1.5 տրիլիոն դոլարի ռազմական ծրագիրը. Wall Street Journal «Հրապարակ»․ Լեւոն Քոչարյանի օգնականը հայց է ներկայացրել ԱԺ աշխատակազմի դեմ ԱՄՆ-ն դրական է գնահատում Զելենսկու հետ գիշերային հանդիպումը