Թուրքիայում կհետաքննեն Էփշթեյնի պատվերով երկրից առևանգված աղջիկների մասին տեղեկությունները

Անկարայի գլխավոր դատախազությունը հետաքննություն է սկսել ընդդիմադիր պատգամավոր Թուրան Չոմեզի այն պնդումների վերաբերյալ, որ ֆինանսիստ Ջեֆրի Էփշթեյնի պատվերով երկրից առևանգվել են թուրք դեռահաս աղջիկներ, տարվել նրա կղզի և բռնաբարվել, գրում է «Cumhuriyet» թերթը։

ԱՄՆ Արդարադատության նախարարության կողմից Էփշթեյնի գործով հրապարակված փաստաթղթերի վրա աշխատանքը սկսվել է 2025 թվականի դեկտեմբերի 23-ին՝ Չոմեզի հայտարարության հրապարակումից մեկ օր անց։

Այս ֆոնին սոցիալական ցանցերում հայտնվել են հաղորդագրություններ, որոնցում պնդվում է, որ «Թուրքիայում ամեն տարի անհետանում է ավելի քան 10,000 երեխա, իսկ վերջին ութ տարիների ընթացքում՝ գրեթե 100,000»։ Ավելին, լայնորեն տարածվել է «Թուրք երեխային արտասահմանում տանջել են» վերնագրով տեսանյութը։

Թուրքիայի նախագահի աշխատակազմից հայտարարել են, որ վիճակագրությունը և տեսանյութը կեղծ են. թվերը վերցված են Թուրքիայի վիճակագրական ինստիտուտի (TÜİK)՝ հայտնաբերված երեխաների վերաբերյալ կազմված զեկույցից, իսկ տեսանյութը նկարահանվել է Բրազիլիայում 2021 թվականին։

Այս թեմայով Կառավարությունը հրապարակել է «Հայաստանյայց Առաքելական Սուրբ Եկեղեցում առաջացած ճգնաժամի և լուծման ուղիների մասին» զեկույցը Բեռլինի օդանավակայանը հայտարարել է անօդաչու թռչող սարքի մասին տագնապ. Bild Ինչու է ՔՊ-ն դանդաղում իր որոշումների մեջ.ո՞վ կասի.... Ինչ նոտարական փաստաթուղթ է իրականում ստորագրել Հարությունյանը Բաքվի բանտում 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան