Ո՛չ նախագահի աշխատակազմն է իր տեղում, ո՛չ նախագահը. ԶԱՐՄԱՆՔ

Պարզվում է՝ թյուր կարծիք կար, թե ՀՀ նախագահ ՎԱՀԱԳՆ ԽԱՉԱՏՈՒՐՅԱՆԻ ուշքումիտքը միայն դաշնամուր նվագելն է ու թանկ մեռելների հետ սելֆի անելը, կարեւորը՝ ուտելն է, ուտե՛լը… Արդեն ութ տարի է` իշխանություն են, բայց այդպես էլ չկշտացան, եւ ահա այդ մասին բարձրաձայնում են անգամ Հունաստանում: Պաշտոնական միջոցառման ժամանակ, երբ խոսափողը պատահմամբ միացված է եղել, ՀՀ նախագահն իր ելույթից առաջ դժգոհել է, որ հիմա պետք է խոսի, բայց չգիտի` ինչ խոսի, հետո էլ նշել է. «էս խեղճ մարդկանց սոված ենք պահում»: Տեսանյութն էլ հրապարակվել է հենց ո՛չ ավել, ո՛չ պակաս նախագահականի աշխատակազմի ֆեյսբուքյան էջում։ Փաստորեն, ո՛չ նախագահի աշխատակազմն է իր տեղում, ո՛չ նախագահը: «Հայաստանի նախագահի աշխատակազմին 2026 թ.-ի բյուջեով հատկացված է ավելի քան 1 միլիարդ 600 միլիոն դրամ, բայց նա, փաստորեն, չունի համապատասխան արարողակարգային ծառայության աջակցություն, որը պաշտոնական ճաշի կամ ընթրիքի ժամանակ նրան կհուշի արարողակարգը, նախատեսված ելույթների հերթականությունը, որպեսզի չստեղծվեն այնպիսի հիմար վիճակներ, ինչպես Հունաստանում…», - ընդգծել է քաղաքական մեկնաբան Հակոբ Բադալյանը:

Կառավարության նիստից հետո լրագրողները Մարդու իրավունքների պաշտպան ԱՆԱՀԻՏ ՄԱՆԱՍՅԱՆԻ հետ ճեպազրույցում հետաքրքրվեցին. «Կաթողիկոսի իրավունքները խախտվա՞ծ են, թե՞ ոչ»: Սակայն, վերջինս ոչ միայն չպատասխանեց հարցին, այլեւ բառացիորեն հրաժարվեց այն իր իրավասության շրջանակում դիտարկել։ «Ինչո՞ւ եք այդ հարցն ինձ տալիս, ես չեմ կարող այդ հարցին պատասխանել, ես մարդու իրավունքների պաշտպան եմ, ոչ թե կրոնական կազմակերպությունների»,- արձագանքեց նա։ Տպավորություն է ստեղծվում, թե խոսքը ոչ թե կոնկրետ անձի՝ Ամենայն Հայոց Կաթողիկոսի, այլ վերացական մի կառույցի մասին էր։ Մինչդեռ հարցը հնչեց ոչ թե եկեղեցական վարչարարության, այլ իրավունքների հնարավոր խախտման մասին։ Իսկ եթե երկրի ամենաբարձր հոգեւոր առաջնորդի իրավունքների խախտման մասին հարցը ՄԻՊ-ի օրակարգում չէ, ապա ո՞ւմ օրակարգում է այն։ Ավելին՝ երբ լրագրողները փորձեցին հստակեցնել՝ ո՞վ է Ամենայն Հայոց Կաթողիկոսն իր համար, Մանասյանն արձագանքեց. «Ես չեմ կարծում, թե որպես ՄԻՊ, պիտի պատասխանեմ նման հարցերի։ Ես ճանաչում եմ ցանկացած կրոնական կազմակերպություն, որն օրենքով սահմանված կարգով գրանցված է… Ես այն մարդը չեմ, որը կարող է միջամտել այդ հարցերին»։ Ստացվում է՝ ՄԻՊ-ը «ճանաչում» է գրանցված կրոնական կազմակերպությունները, բայց ո՛չ տեսել, ո՛չ լսել է ՀՀ Սահմանադրության մասին, որտեղ ճանաչված է Հայաստանյայց Առաքելական Սուրբ Եկեղեցու եւ իր առաջնորդի բացառիկ առաքելությունը հայ ժողովրդի հոգեւոր կյանքում, նրա ազգային մշակույթի զարգացման եւ ազգային ինքնության պահպանման գործում: Թեպետ ինչու՞ ենք զարմանում, եթե ՄԻՊ-ը Աջափնյակում կրակոցների ժամանակ էլ հայտարարում է, որ մարդու իրավունքների խախտում չի տեսել: Այսքանից հետո՝ մեզ մնում է միայն հավելել՝ եւ փրկեա զմեզ ի ՄԻՊեն:

Զարմանալիորեն ճիշտ որոշում է կայացրել ԱԺ «Հայաստան» խմբակցությունից հեռացած, իբրեւ անկախ, բայց մի շարք հարցերում իշխանությունների տեսակետները պաշտպանող պատգամավոր ԳԵՂԱՄ ՆԱԶԱՐՅԱՆԸ։ «Ես ոչ մի ցուցակում չեմ լինելու։ Չեմ լինելու նաեւ հաջորդ խորհրդարանում», - լրատվամիջոցներից մեկի հետ զրույցում նշել է նա: Այ, այսպես գալիս են ԱԺ, փոշիացնում ընդդիմադիր ձայներն ու խռոված հեռանում, իբր իրենք ոչ մի հարցում մեղավոր չեն, ժողովուրդն է մեղավոր, որ չհասկացավ՝ վերջն իրենց ուզածն ի՞նչ էր:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Մենք այս պետությանը պետք չենք․ Անահիտ Մարտիրոսյան Հասարակության մեջ մարդը դեռ չի ընկալվում որպես համակարգի բարձրագույն արժեք․ ՄԻՊ Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի ՇՏԱՊ. ՀՀ նախագահ անճանաչելիորեն փոխվել է. ՖՈՏՈ