Զալուժնին ևս մեկ հրապարակային մեղադրանք հնչեցրեց Զելենսկու դեմ

Զալուժնին ևս մեկ հրապարակային մեղադրանք հնչեցրեց Զելենսկու դեմ։

The Guardian-ին տված հարցազրույցում նախկին գլխավոր հրամանատարը քննադատեց Զելենսկիին՝ պատերազմի նախօրեին ռազմական դրություն մտցնելուց հրաժարվելու համար, ինչը թույլ կտար ավելի լավ պատրաստվել ռուսական «ներխուժմանը»։

«Ռազմական դրությունը պետք է հայտարարվեր հունվարին կամ ամենաուշը փետրվարին։ Դուք պատրաստվում եք մենամարտել Մայք Թայսոնի հետ, և մինչ այդ ձեր ունեցած միակ մենամարտը բարձերով կռիվն էր ձեր կրտսեր եղբոր հետ։ Դա միլիոնից մեկ հավանականություն է, և դուք պետք է պատրաստ լինեք», - ասաց Զալուժնին։

Նա ասում է, որ մի քանի անգամ բարձրացրել է ռազմական դրություն մտցնելու հարցը, բայց ստացել է միայն պաշտպանության նախարար Ռեզնիկովի աջակցությունը, մինչդեռ Զելենսկին շարունակել է մերժել՝ վախենալով, որ դա կարող է խուճապ առաջացնել։ Ի վերջո, Ազգային անվտանգության և պաշտպանության խորհուրդը համաձայնվել է միայն արտակարգ դրություն հայտարարել։

Զալուժնին հայտարարել է, որ «ներխուժման» սկզբում պատշաճ կերպով չպատրաստվելը թանկ նստեց Ուկրաինայի վրա։

Գեներալներն իրենք որոշ պաշտպանական միջոցներ ձեռնարկեցին՝ քրեական հետապնդման սպառնալիքի տակ։ Մասնավորապես, վերջին պահին Սև ծովի հատակն ականապատեցին՝ Օդեսայում հնարավոր դեսանտը կանխելու համար, և որոշ ստորաբաժանումների հրամայվեց տեղափոխվել ավելի ռազմավարական վայրեր։

Եվ Զելենսկին և նրա ընտանիքը փետրվարի 24-ի գիշերը, ինչպես միշտ, խաղաղությամբ պառկեցին քնելու՝ վստահ լինելով, որ պատերազմ չի սկսվի։ Հաջորդ օրը նրա կինը շտապում էր իրերը հավաքել՝ հեռվից լսելով պայթյունների ձայներ։

Այս թեմայով ՀՐԱՏԱՊ. Վարդանի շուրջ 19-ամսյա կալանքը նշանակում է արդեն հարյուր հազարավոր դոլարների հանրային միջոցների ծախս Զելենսկու և ֆոն դեր Լեյենի հանդիպումը Նյու Յորքում չափազանց լարված էր. Bloomberg Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ