Տրիբունալ՝ Ֆեյսբուքից

«Համահայկական ճակատ» շարժման առաջնորդ, գեներալ-մայոր ԱՐՇԱԿ ԿԱՐԱՊԵՏՅԱՆԸ ֆեյսբուքյան իր էջում հրապարակել է ուշագրավ գրառում՝ հայտարարելով, որ իրեն դիմել են «Համահայկական ճակատ» շարժման կազմում գործող համանուն կուսակցության եւ «Ժողովրդական աշխարհազոր»-ի մի խումբ ներկայացուցիչներ՝ խնդրելով իրեն դիմել «Ազգային Հպարտության Տրիբունալին»։

Ըստ Կարապետյանի` խնդրանքի բովանդակության մեջ մասնավորապես ասված է, որ «ՀՀ-ում պաշտոնավարող նախագահն ու վարչապետը չեն կատարում սահմանադրորեն ստանձնած պարտականությունները, անգործություն են դրսեւորում, ոտնահարում են ՀՀ քաղաքացու արժանապատվությունը»: Եվ, փաստորեն, այդ հարցով պետք է Արշակ Կարապետյանի դիմումի հիման վրա զբաղվի «Ազգային Հպարտության Տրիբունալը»։

«Ես աշխատում եմ այդ ուղղությամբ եւ եթե այս առթիվ ունեք լրացուցիչ հարցեր կամ առաջարկություններ, խնդրում եմ գրել ինձ», - ամենայն լրջությամբ նշել է գեներալը։ Այստեղ են ասել՝ քամին ցրտից մեռավ… Ավելի իրատեսական չէ՞ր լինի, եթե գեներալ Կարապետյանը, օրինակ, դիմեր Օլիմպոսի աստվածներին՝ Զեւինս, Պոսեյդոնին, Դեմետրային, Աթենասին, Ապոլլոնին, Հեփեստոսին, Հերմեսին, Արտեմիսին, Աֆրոդիտեին եւ անգամ հաշվեհարդարի ու վրեժխնդրության աստվածուհի Նեմեսիսին:

Ի՞նչ է իրենից ներկայացնում «Ազգային Հպարտության Տրիբունալը», ի՞նչ իրավական հիմք ունի այն, եւ արդյոք այն առհասարակ գոյություն ունի: Ի վերջո, եթե խոսքը վերաբերում է սահմանադրական պարտականությունների չկատարմանը, ապա Հայաստանի օրենսդրությունը նախատեսում է հստակ մեխանիզմներ՝ Սահմանադրական դատարան, Ազգային ժողով, քաղաքական պատասխանատվության գործիքներ։ Ո՞ր իրավական դաշտում է գործելու Կարապետյանի «տրիբունալը»։ Ո՞վ է այն ձեւավորել, ի՞նչ լեգիտիմություն ունի այն հանրության անունից «դատելու» անգամ եթե խոսքը Փաշինյան Նիկոլի մասին է:

Փաստացի, հերթական անգամ հնչում են բարձրագոչ հայտարարություններ, բայց պոպուլիզմից բացի՝ ո՛չ իրավական հստակություն կա, ո՛չ քայլերի իրական հաջորդականություն: Եթե կա քաղաքական պահանջ՝ այն պետք է ձեւակերպվի քաղաքական պատասխանատվության գործիքներով, այլապես մնացածը՝ մնում է հրապարակային աղմուկի եւ պոպուլիզմի տիրույթում։ Լավ, որքա՞ն կարելի է անլրջացնել ամեն ինչ: Երբ Փաշինյան Նիկոլին ու Վահագն Խաչատուրյանին տրիբունալի առաջ է կանգնեցնում նա, ով անգամ չի համարձակվում Հայաստանի Հանրապետություն մուտք գործել, ակնհայտ է դառնում, որ այսպիսի իշխանությունն ու ընդդիմությունն իրար արժեն:

ՀՐԱՆՏ ՍԱՐԱՖՅԱՆ

Այս թեմայով Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ Բանտերում գտնվող ընդդիմադիր լիդերները դուրս կգան բանտից, իսկ ով արժանի է բանտում լինելու՝ կլինի բանտում. Կարապետյան ԱԳՆ-ն միայն առևտուր ա արել վերջին տարիներին, բայց ապրանքը հայկական հողերն են եղել. Կարապետյան