«Փաստ». Այդ ի՞նչ «ձեռքբերումներից» են խոսում ՔՊ-ում

«Փաստ» թերթը գրում է. «Փաշինյանական առաջին «փաղանգի» քարոզիչ-գործիչներից մեկը հայտարարել է, թե իրենք թույլ չպիտի տան, որ ընդդիմությունը «ոտնատակ տա մեր ձեռքբերումները»:

Չէ, լուրջ, կատակ չենք անում, այդպես էլ ասել է՝ «մեր ձեռքբերումները»:

Անկեղծ ասած, շփոթության է մատնել, որովհետև ակամայից ուզում ես գույքագրել իրենց, այն է՝ Փաշինյանի ու ՔՊ-ի «ձեռքբերումները»: Բացի այն, որ ՔՊ-ի այդքան չարչրկած ասֆալտից փոսերն ու ցեխաջուրն է մնացել, տակը էլ ի՞նչ կա:

Ահա ՔՊ-ի ձեռքբերումների սեղմ ցանկը. Հայաստանում Սահմանադրության և օրենքների անընդհատ ոտնահարում, դատարանների զավթում, դատական իշխանության տոտալ ենթարկեցում մեկ անձի, ներքին ատելության ու թշնամանքի սերմանում ու տարածում, մարդու իրավունքների և սահմանադրական ազատությունների սահմանափակումներ, ԵԱՀԿ Մինսկի խմբի շրջանակներում կարգավորման գործընթացի տապալում և փակուղայնացում:

Բայց դա դեռ «ցրցամն» էր:

Շարունակե՞նք ՔՊ-ի «ձեռքբերումների» թվարկումը. ադրբեջանական ու թուրքական ռազմատենչ նկրտումների լեգիտիմացում, պատերազմ, Արցախի որոշակի մասի կորուստ, նվաստացուցիչ պարտություն և կապիտուլ յացիոն հայտարարության ստորագրում, հազարավոր զինվորների ու սպաների կորուստ, շուրջ 10000 վիրավոր ու հաշմանդամ, Եռաբլուրի բազմապատկում, Հայաստանի տարածքային ամբողջականության ապահովման անկարողություն, Արցախի ճանաչում Ադրբեջանի կազմում, Արցախի ամբողջական կորուստ և հայության զանգվածային բռնագաղթ, ժողովրդավարության տարրական սկզբունքների ոտնահարում, զանգվածային հետապնդումներ ու ռեպրեսիաներ, տասնյակ ու տասնյակ քաղբանտարկյալներ, խաղաղ ցույցի նռնակահարում:

Շարունակե՞նք: Հղի կնոջը մահացու վրաերթի ենթարկել և դրա համար ոչ մեկին չպատժել: Տասնյակ զինվորների հրոճարակ դառնալը՝ զորանոցի տակ հարմարեցված ինչ-որ տնակում:

Էլի շարունակե՞նք: Հանցագործությունների աճ, օրը ցերեկով հրաձգություն զոհերով ու վիրավորներով, որ մարդ արդեն վախենում է տանից դուրս գալ: Դե, եթե իրավապահները զբաղված են ընդդիմադիրների նկատմամբ գործեր կարելով ու Եկեղեցու դեմ պատերազմով, արդյունքն էլ սա պիտի լինի:

Ախր, ո՞ր մեկն ասես:

Հայաստանի սուբյեկտայնության սարսափելի կրճատում՝ թուրք-ադրբեջանական օրակարգերի սպասարկումով:

Այլ «ձեռքբերումնե՞ր»: Ահավասիկ. աղքատության չկրճատում, եթե ոչ՝ ավելացում ու խորացում, սոցիալական բևեռացվածության խորացում, հարկային բեռի ավելացում, տուգանքների ավելացում, կարմիր գծերի, հանրային տրանսպորտի ուղեվարձի թանկացում, սեփականության խլումներ...

Լսեք, եթե ՔՊ-ի այս «ձեռքբերումներն» են ընդդիմադիրները ուզում «ոտնատակ տալ», ապա պետք է միայն ողջունել և ամեն ինչ անել, որ դա տեղի ունենա: Մեր երկիրը, մեր ժողովուրդը, մեր երեխաները ապրել են ուզում»։

Առավել մանրամասն թերթի այսօրվա համարում

Այս թեմայով 11։11. Ի՞նչ է ուզում ճակատագիրը մեզ ասել, կրկնվող թվերի օրը Էրդողանը մեկնել է Ադրբեջան՝ մասնակցելու «Հաղթանակի օրվա» միջոցառումներին Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Երբ ցանկանում էի խոսել երեխայիս հետ գրական հայերենով, ստիպված էի լսել՝ «Մի՜ հաչա այդ շան լեզվով»․ Անի Օհանյան Հրաժարվիր կինոյի տղա լինելուց՝ դու չես կարող դեւի դեմն առնել մենակ քո փողերով․ Աղազարյանը՝ ուժեղների շեֆին