Անթույլատրելի համերգ՝ կազմակերպված Լաս Վեգասի Ս. Կիրակոս եկեղեցու ատյանում

Վերջերս իշխանական մի պատգամավոր հայտարարել էր, թե իբր Մայր Աթոռը չի թույլատրել ԿԳՄՍ նախարարությանը հոգեւոր երաժշտության փառատոն անցկացնել, ինչին ի պատասխան Արժանապատիվ Տեր Եսայի քահանա Արթենյանը գրել էր․ «Տարիներ առաջ դիմում եղել է, որին ի պատասխան Մայր Աթոռից, ըստ ընթացակարգի, պահանջվել է միջոցառման ծրագիրը՝ համերգի թույլատրելիությունը քննարկելու համար, սակայն հետագայում հարցին ընթացք չի տրվել հենց նախարարության կողմից»։

Տեր Հորն, իբրեւ «հակադարձում», իշխանական կողմը տեղադրել էր Մայր Աթոռի Դիվանապետ Գերաշնորհ Տ․ Արշակ արքեպիսկոպոս Խաչատրյանի պատասխանը ԿԳՄՍ նախարարին, որտեղ հստակ գրված էր․ «․․․․ տեղեկացնում ենք, որ եկեղեցու ներսում համերգային միջոցառման իրականացումը հնարավոր չէ»։ Ինչո՞ւ էր այս նախապատմությունը հարկավոր, որպեսզի հստակեցվեր Ս․ Էջմիածնի դիրքորոշումն առ այն, թե «եկեղեցու ներսում համերգային միջոցառման իրականացումը հնարավոր չէ»։ Սակայն հակառակ Սուրբ Էջմիածնի դիրքորոշման, Հյուսիսային Ամերիկայի Արեւմտյան թեմի առաջնորդ Հովնան արքեպիսկոպոս Տերտերյանի թողտվությամբ եւ Լաս Վեգասի Ս. Կիրակոս եկեղեցու հոգեւոր հովիվ Տ․ Սասուն ծայրագույն վարդապետ Զմրուխտյանի ներկայությամբ, նշված եկեղեցու ներսում՝ Մեծ պահքի ընթացքում, կազմակերպվել է անհասկանալի համերգ, այն էլ ոչ միայն եկեղեցու ներսում, այլ՝ ատյանում, այն հատվածում, որտեղ միայն եկեղեցական ժամապաշտություն եւ կամ այլ հոգեւոր արարողություն ու խորհուրդ է կարելի իրականացնել։ Իսկ ատյանում կազմակերպված համերգը ո՛չ իր երգացանկով եւ առավել եւս ո՛չ մասնակիցների հագուկապով բոլորովին պատշաճ չէր եկեղեցում ընդունված վարքային կեցվածքին։ Փաստացի, եկեղեցականն ինքնագործունեությամբ է զբաղվել եկեղեցու ներսում՝ հակառակ Սուրբ Էջմիածնի մոտեցումների ու դիրքորոշումների։

Ի դեպ, մեզ հասած տեղեկություններով, 72-ամյա Սասուն ծայրագույն վարդապետ Զմրուխտյանը «տիրադավ» շարժման համակիրներից է, որին կարող է Հայաստանից զանգել ինչ-որ մի տիրադավ արքեպիսկոպոս եւ հեռախոսը փոխանցել եկեղեցահալած մի բարձր պաշտոնյայի, որն էլ իր հերթին Հայր Սասունին կարող է հորդորել եւ կամ պահանջել, որպեսզի միանա «տիրադավ» շարժմանը։

ՀՐԱՆՏ ՍԱՐԱՖՅԱՆ

Հ.Գ. - Մանրամասները՝ տեսանյութում։

Այս թեմայով Արշակ Կարապետյանին հրավիրել են դատախազություն Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Արշակ Սրբազանի գործով ինքնաբացարկ հայտնելու համար դատավորի նկատմամբ հայտարարվեց նկատողություն Հիմա բացահայտվե՞լ է, թե՞ բան չեն արել. ԶԱՐՄԱՆՔ Ո՞նց կարաս չհավատաս խաղաղությանը, բա ու՞ր ենք գնում մենք. Սասուն Միքայելյան