ԱՐՄԱՆ ԾԱՌՈՒԿՅԱՆԸ ՀԱՅԱՍՏԱՆԻ ԸՄԲՇԱՄԱՐՏԻ ՀԱՎԱՔԱԿԱՆԻ ՀԵՏ ՀԱՄԱՏԵՂ ՄԱՐԶՈՒՄ Է ԱՆՑԿԱՑՐԵԼ

Այս օրերին, հունահռոմեական ոճի ըմբշամարտի Հայաստանի հավաքականը Օլիմպավանում ուսումնամարզական հավաք է անցկացնում Արմեն Բաբալարյանի գլխավորությամբ։ Թիմի հետ մարզվում է նաև խառը մենամարտերի թեթև քաշային կարգում UFC դասակարգման երկրորդ համար ԱՐՄԱՆ ԾԱՌՈՒԿՅԱՆԸ։ Նա պատրաստվում է իր առաջիկա ըմբշամարտի գոտեմարտին ԱՄՆ - ում։ Մրցաշարի նախապատրաստական փուլում Ծառուկյանին օգնում են մեր անվանի ըմբիշներ Արսեն Հարությունյանը, Մալխաս Ամոյանը, Աշխարհի ու Եվրոպայի չեմպիոն, ազատ ոճի ըմբշամարտի Հայաստանի հավաքականի նախկին անդամ Դավիթ Սաֆարյանը։ Գորգային մարզումներում Ծառուկյանի հետ աշխատում է Փարիզի ՕԽ բրոնզե մեդալակիր Մալխաս Ամոյանը, խորհուրդներով աջակցում է գլխավոր մարզիչ Արմեն Բաբալարյանը։ Mma մարտիկը սոցցանցերում մարզումներից տեսանյութ է հրապարակել ու մակագրել այսպես. «Աշխատում ենք լավագույնների հետ»։

Հիշեցնենք, որ Արման Ծառուկյանը փետրվարի 28-ին ըմբշամարտի երկրորդ գոտեմարտը կանցկացնի Real Anerican Freestyel 5 մրցաշարում։ Նրա մրցակիցը Խառը մենամարտերում հայտնի բլոգեր Ջորջիո Պոլասն է։ Գոտեմարտը կկայանա փետրվարի 28-ին ԱՄՆ Արիզոնա նահանգի Տեմպե քաղաքում։ Առաջին գոտեմարտում հունվարի 10-ին Ծառուկյանը պրոֆեսիոնալ ըմբշամարտի RAF 5 մրցաշարում տպավորիչ հաղթանակ տարավ ամերիկացի Լենս Փալմերի հանդեպ 10։0 հաշվով: MMA - ում Արման Ծառուկյանը անցկացրել է 26 մենամարտ, տարել 23 հաղթանակ։

ՀՈՎՀԱՆՆԵՍ ՍԱՐԳՍՅԱՆ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով