Աջափնյակում 10 օր է՝ կոյուղատարերից կեղտաջրերը լցվում է ավտոտնակներ ու շենքերի նկուղներ

Արդեն 10 օր է՝ Երևանի Աջափնյակ վարչական շրջանի Գրիգոր Հասրաթյան փողոցի 6-րդ և հարակից շենքերի ու սեփական տների հարյուրավոր բնակիչներ չեն կարողանում հստակ ստանալ հարցի լուծման պատասխանը՝ որ կառույցի պատասխանատուներն են մի ամբողջ թաղամաս փրկելու գարշահոտ ու հակասանիտարական վիճակից, հաղորդում է Shamshyan.com–ը։

Այսօր՝ փետրվարի 17-ին, կայքի հետ զրույցում բնակիչներն ասում էին. «10 օր առաջ նկատեցինք, որ 4 մուտքանի, 5 հարկանի շենքի դիմացով կեղտաջրերը դուրս են գալիս ու ամբողջ տարածքում գարշահոտ վիճակ է։ Սկսեցինք հետաքրքրվել ու պարզեցինք, որ էդ կեղտաջրերը լցվում են ավտոտնակների և շենքերի նկուղներ։ Փորձեցինք մեր ուժերով խնդիրը լուծել, սակայն մենք անզոր էինք, քանի որ պետք է աշխատանքները իրականացներ Վեոլիա ջուրը հատուկ տեխնիկաներով։

Մի քանի անգամ զանգահարել ենք «Վեոլիա ջուր», մի անգամ եկան 2-3 րոպե իբրև թե գործ արեցին ու իրենց աշխատանքը համարելով ավարտված գնացին, բայց հարցը չլուծվեց ու արդեն 10 օր է հակասանիտարական ու գարշահոտ վիճակը պահպանվում է։

Ստիպված դիմեցինք կառավարություն, հանրային ծառայությունները կարգավորող հանձնաժողով, այդ երկու կառույցներից գոնե պատասխանեցին, որ խնդիրը «Վեոլիա ջրի» տիրույթում է և իրենք կմիջնորդեն որ հարցը կարգավորվի։ Դա էլ օգուտ չտվեց։

Կեղտաջրերի կողքով է անցնում նույնիսկ խմելու ջրի խողովակը և չի բացառվում, որ եթե վանսվի խմելու ջրի խողովակը, ամբողջ կեղտաջուրը խողովակով կանցնի դեպի բաժանորդների տներ»։

Այս թեմայով Քանդում են Աջափնյակի շուկան․ տասնյակ տնտեսվարողներ անելանելի վիճակում են «Ժողովուրդ». Աջափնյակի կրակոցների գործով հնարավոր են նոր հաշվեհարդարներ ՇՏԱՊ. Բարեկամության մետրոյի տակը ջրհեղեղ է Արցախցի կինը չէր վիճաբանում Փաշինյանի հետ․ վիճաբանողը Փաշինյանն էր․ Հակոբ Բադալյան Հոսանքի տատանումների հետևանքով մետրոպոլիտենի բաց հատվածում առաջացել է տեխնիկական խափանում. Ուղևորներին իջեցրել են